Oʻzbekistonliklar uchun Tailandga uzoq muddatli vizani onlayn olish imkoniyati paydo boʻldi

^{Foto: The Cable}
Tailand Tashqi ishlar vazirligining ma'lum qilishicha, 1 yanvardan boshlab mamlakatning xorijdagi 94 ta elchixona va bosh konsulxonalarida e-Visa xizmatidan foydalanish mumkin boʻladi.

Elektron viza tizimiga koʻra, Tailand vizasi olishga murojaat qilmoqchi boʻlgan chet el fuqarosi yangi onlayn elektron viza platformasi orqali ariza topshirishi kerak.

Ariza beruvchidan pasport va tasdiqlovchi hujjatlarning asl nusxasini Tailand diplomatik vakolatxonalari va konsullik muassasalariga shaxsan taqdim etishi talab qilinmaydi.

Elektron viza arizasi ma'qullangach, arizachiga tasdiqlovchi elektron pochta xabari yuboriladi. Ariza beruvchidan joʻnash portidagi aviakompaniyaga va Tailandda immigratsiya xizmati xodimlariga taqdim etish uchun tasdiqlovchi elektron pochta nusxasini chop etishi soʻraladi.

Amaldagi tartibga koʻra, 2024 yilning 15 iyul kunidan e'tiboran Oʻzbekiston fuqarolariga Tailandga sayohat uchun 60 kungacha vizasiz rejim joriy etilgan. Elektron viza tizimida fuqarolarga turistik, biznes, oilaviy va boshqa viza turi 90 kun muddatga beriladi. “Zamin” yangiliklarini “Vkontakti”da kuzatib boring