Foto: Bild
AQSh prezidenti Donald Tramp Oq uyda Emmanuel Makron bilan uchrashuvi paytida uning qoʻlida katta jigarrang dogʻ borligini payqashdi, deb yozmoqda Bild nashriga tayanib Daryo.
Dogʻning suratlari internetda AQSh prezidentining ehtimoliy kasalligi haqidagi turli taxminlarni keltirib chiqardi.
Boshqa farazlar qatorida, bu infuziyalarning oqibati boʻlishi mumkinligi aytilmoqda — koʻpincha igna olib tashlangandan soʻng paydo boʻladigan gematoma. Tashxis qoʻyishga qiziquvchi foydalanuvchilar infuziyalarning sabablari sifatida suvsizlanish yoki vitamin etishmasligidan davolanishni koʻrsatishmoqda.
Tramp kuzatuvchilari prezidentning oʻng qoʻldagi koʻkarishlar ilgari ham kuzatilganini ta'kidlamoqda. X foydalanuvchilaridan biri Tramp hatto bir muddat bogʻich bogʻlab yurganini aytgan.
Foto: Bild
Umrining soʻnggi haftasida qirolicha Elizavetaning qoʻllarida ham shunga oʻxshash koʻkarishlar kuzatilgan, deyilgan izohlardan birida.
BILD nashri bilan bogʻlangan Nyu-yorklik shifokorning fikricha, dogʻ antitrombotsitar dorilar bilan davolashning nojoʻya ta'siri boʻlishi mumkin. Shifokor aniqroq baho berish uchun ikkala qoʻlni ham tekshirish kerakligini qayd etdi.
"Bundan tashqari, Tramp quyoshda qorayish uchun krem surtishni yoqtiradi, bu ham sirli dogʻlarni aniqlashni qiyinlashtiradi", deydi mutaxassis.
Agar uning taxmini toʻgʻri boʻlsa, unda asosiy xavotirlar asossiz boʻlishi mumkin: "Bu nojoʻya ta'sirlar jiddiy xavf tugʻdirmaydi!"
Internetdagi qizgʻin munozaralar chogʻida foydalanuvchilar Trampning sogʻligʻi boʻyicha ochiqlik yoʻqligi ilgari ham tanqid qilinganini eslatishdi. Uning birinchi nomzodi koʻrsatilganda, shaxsiy shifokori doktor Garold Bornshteyn “agar Tramp saylansa, u saylangan prezidentlar orasida eng sogʻlom inson boʻlishi”ni aytgan edi.
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
