Kriviy Rihdagi hujumda 56 kishi yaralandi, uylar va mashinalar vayron bo‘ldi

2025 yil 4 aprel, juma kuni Rossiya Kriviy Rig shahriga yangi raketa zarbasini amalga oshirdi. Hujum oqibatida kamida 19 kishi halok bo‘ldi, ulardan 9 nafari bola. Bu haqda Kriviy Rig mudofaa kengashi raisi Aleksandr Vilkul shu kuni tun yarimda ma’lum qildi. Hujumda yana 56 kishi jarohat olgan.

Bir nechta manbalarga ko‘ra, raketa "Magellan" restorani yaqinida portlagan.

Dnipropetrovsk viloyati ma’muriyati rahbari Sergey Lisakning aytishicha, shaharda 20 ga yaqin ko‘p qavatli uy, 30 dan ortiq mashina, ta’lim muassasalari va umumiy ovqatlanish joylari zarar ko‘rgan.

Ukraina prezidenti Volodimir Zelenskiy hujumga munosabat bildirdi: «Rossiya har kuni zarba beradi. Har kuni odamlar halok bo‘lmoqda. Buning sababi faqat bitta – Rossiya o‘t ochishni to‘xtatishni istamayapti va biz buni ko‘rib turibmiz. Butun dunyo ham shunga guvoh. Har bir raketa, har bir dron Rossiyaning urushni davom ettirish niyati borligini isbotlaydi», – deb yozdi u. Zelenskiyga ko‘ra, zarba turar joylar mavjud hududga berilgan.

Bundan bir kun oldingi hujumda kamida 4 kishi halok bo‘lgan, yana 14 kishi yaralangan edi. “Zamin” yangiliklarini “Telegram”da kuzatib boring