Jorj Kluni do‘stlariga 14 million dollar ulashgan voqea haqiqatmi?

Gollivudning eng xarizmatik yulduzlaridan biri sanaladigan Jorj Kluni nafaqat aktyorlik mahoratlari, balki samimiyligi va bag‘rikengligi bilan ham millionlab muxlislar qalbini zabt etgan. Uning 2013 yilda do‘stlariga qilgan g‘ayrioddiy hadyasi haqidagi hikoya esa bu gaplarni yana bir bor isbotladi.

O‘sha yili Kluni o‘zining 14 nafar yaqin do‘stini uyiga taklif qildi. Bu oddiy bir davra suhbatiga o‘xshardi, ammo voqea butunlay boshqacha tuhfalar bilan yakunlandi. Aktyorning aytishicha, u «Gravitatsiya» filmidagi ishtiroki uchun katta gonorar olgan va bu mablag‘ni o‘z hayotida hal qiluvchi rol o‘ynagan do‘stlari bilan bo‘lishishga qaror qilgan.

— Menda o‘sha paytda bir narsa aniq edi: bu dunyoda menga chindan yordam bergan insonlar bor. Ular men bilan shodlikda ham, mashaqqatda ham bo‘lishdi. Qiynalgan paytlarimda pul berishdi, divanlarida uxlatishdi. Ularsiz bu darajaga yetisha olmasdim, — deydi Kluni samimiylik bilan.

Shuning uchun u bankdan 14 million dollarni naqd holda olgan va har bir do‘sti uchun maxsus jomadon tayyorlatgan. Keyin esa ularni uyiga chorlab, chin do‘stlik va minnatdorlik ruhida tantanali uchrashuv tashkil etgan. Qisqa suhbatdan so‘ng u har bir do‘stiga bittadan jomadon berib, ichida 1 million dollar borligini ma’lum qilgan.

— Men ularga «Nega avtobus tagida qolganimni kutishim kerak? Yaxshilikni hozir qilish kerak» dedim. Bu mendan ularga kichik bir tashakkur edi, — deydi Kluni.

Garchi bu voqea bir nechta OAVda chiqqan bo‘lsa-da, uning samimiyligi va insonparvarlik yuzasidan o‘ziga xos ramziy ma’nosi bor. Jorj Kluni bu harakati orqali shou-biznes dunyosida ham haqiqiy do‘stlik va qadrlash borligini namoyon etdi.

Jorj Klunining 14 million dollarlik “jomadon aksiyasi” nafaqat hayrat, balki o‘rnak ham bo‘ldi. Muhim narsa — do‘stlik va haqiqiy minnatdorlik bor ekan, mablag‘ni saqlash emas, ular bilan baham ko‘rish eng katta yuksaklikdir. Kluni bu bilan millionlab odamlarga ilhom berdi. “Zamin”ni Telegramʻda oʻqing!