AQSHning Jorjiya shtatida 63 yoshli Endryu Kuzik ismli erkak o‘z iti — Chemp deb nomlangan chixuaxua tufayli tirik qoldi. Bu haqda Pravilamag xabar berdi. Chemp tug‘ma nogironlik — ikki old panjasiz tug‘ilgan bo‘lsa-da, o‘z sohibi hayotida ikki marta hal qiluvchi ahamiyat kasb etdi.
Endryuning so‘zlariga ko‘ra, u kundalik odatga ko‘ra divanda televizor ko‘rayotgan edi. Bir payt Chemp unga yaqinlashib, yuragi joylashgan qo‘l ostiga boshini qo‘ydi va avval hech qachon eshitilmagan ovoz bilan shovqin qildi. Shundan so‘ng Endryu ko‘krak og‘rig‘ini his qila boshladi va buni jiddiy qabul qilib, shifoxonaga yo‘l oldi.
Bemor shoshilinch operatsiyaga olindi. Tibbiy aralashuv vaqtida uning yuragi ikki marta to‘xtab qoldi. Shifokorlar o‘z vaqtida chora ko‘rib, uni hayotga qaytarishga muvaffaq bo‘lishdi.
— «Aniq bilamanki, agar Chemp bo‘lmaganida, men hozir hayot bo‘lmasdim», — dedi Endryu Kuzik.
Bu Chempning sohibi hayotidagi yagona qahramonlik emas. Kuzik ta’kidlashicha, it bir necha yil avval unda miya o‘smasi borligini ham hayvonga xos intuitsiya bilan sezgan. Shundan keyin Endryu tibbiy tekshiruvdan o‘tib, saraton aniqlangan va hozirgi kunda onkologiyada davolanmoqda.
Chemp tug‘ma nuqson sababli avvalgi egalari tomonidan tashlab ketilgan. Ammo Kuzik uni va yana beshta chixuaxuani asrab olgan.
— «Men tashlab ketilgan itlarga befarq emasman, ayniqsa chixuaxualarga. Ular qattiq ovoz chiqarishi bilan tanilgan bo‘lsa ham, qalbi juda nozik va sodiq», — deya qayd etdi u.
Ayni paytda, Shveysariyada ham chixuaxua bir turistni muzlikdagi yoriqqa tushib ketganidan qutqarib qolgan. Bu kichik tanaga ega it zoti nafaqat sodiqligi, balki ajoyib hissiyotlari bilan ham insoniyat uchun sevimli do‘st ekanini yana bir bor isbotlamoqda.
“Zamin”ni Telegramʻda oʻqing!
