Fransiyadagi lotereyada rekord 250 million yevro yutiFransiyalik ishtirokchi EuroMillions Yevropa lotereyasidan tarixiy yutuq qo‘lga kiritdi va mamlakat uchun rekord miqdordagi 250 million yevro jekpotni yutib oldi. Ushbu summa lotereya qoidalarida belgilangan eng yuqori yutuq sifatida qayd etilgan.
G‘olib barcha yettita raqamni, shu jumladan ikkita maxsus yulduz raqamini to‘g‘ri topdi. Bu unga asosiy mukofotni qo‘lga kiritish imkonini berdi va butun Fransiyani shok holatiga soldi. Mamlakatda ilgari hech kim shunchalik katta mablag‘ni yutmagan edi.
Bu g‘alaba mamlakatdagi rekordni yangiladi. 2021-yil oktyabrda Fransiya Polineziyasidan bo‘lgan fuqaro 220 million yevro yutqan bo‘lsa, endilikda ushbu rekord 250 million yevro bilan yangilandi. Shu bilan birga, irlandiyalik ishtirokchi iyun oyida ham 250 million yevro bilan EuroMillions tarixida rekord o‘rnatgan edi.
EuroMillions lotereyasi 2004 yilning 7-fevralda tashkil etilgan va ilgari faqat Buyuk Britaniya, Fransiya va Ispaniya ishtirok etgan. Keyinchalik Avstriya, Belgiya, Irlandiya, Luksemburg, Portugaliya va Shveysariya ham qo‘shildi. Lotereya qoidalari g‘oliblarga anonimlikni saqlash imkonini beradi va odatda katta yutuq egalari bu huquqdan foydalanishadi.
Bu hodisa nafaqat lotereya ishqibozlarini, balki butun mamlakat ahli va internet foydalanuvchilarini ham qiziqtirdi. Ko‘pchilik bu g‘alabani tabriklab, “Fransiyadagi tarixiy g‘alaba” deb baho bermoqda. EuroMillions lotereyasi muxlislari uchun bu yana bir dalilki, omad va ehtimol har vaqt kutilmagan pallada paydo bo‘lishi mumkin.b olindi
“Zamin”ni Telegramʻda oʻqing!
