Isroil hukumati Hamasning “G‘azo bo‘yicha to‘liq kelishuvga tayyormiz” degan bayonotini rad etdi. Bosh vazir Netanyaxu ofisi bu gaplarda yangilik yo‘qligini aytdi va urush faqat garovdagilar ozod qilinib, Hamas qurolsizlantirilgach tugashini bildirdi.
Hamas esa garovdagilarni falastinlik mahbuslarga almashtirish, Isroil qo‘shinlarini hududdan olib chiqish va G‘azoni qayta qurishni boshlashni taklif qildi. U, shuningdek, urushdan keyingi boshqaruvni mustaqil mutaxassislarga topshirish mumkinligini aytdi.
Isroil mudofaa vaziri Itan Katz armiyaning G‘azo shahriga keng hujumga tayyorgarlik ko‘rayotganini ma’lum qildi. Biroq garovdagilar oilalari hukumatni hujumni to‘xtatib, kelishuvga erishishga chaqirmoqda.
So‘nggi hujumlarda G‘azoda 20 dan ortiq odam halok bo‘ldi, ular orasida homilador ayol ham bor. BMT bu vaziyat tinch aholi uchun yanada og‘ir oqibatlarga olib kelishi mumkinligini ogohlantirdi.
“Zamin”ni Telegramʻda oʻqing!
