Markaziy Osiyo shaharları orasida yashash uchun eng qimmat hududlar ro‘yxati e’lon qilindi. “Numbeo” portali joriy yilning birinchi yarmi yakunlari asosida tayyorlagan reytingga ko‘ra, Qozog‘istonning Olmaota shahri mintaqa bo‘yicha eng qimmat shahar sifatida qayd etildi.
Indeks va o‘rinlar
Hisobotda qayd etilishicha, Olmaota yashash qiymati indeksida 29,4 punkt bilan jahon bo‘yicha 346-o‘rinni egallagan. Bu ko‘rsatkich uni nafaqat Qozog‘iston, balki butun Markaziy Osiyoda yetakchiga aylantirdi.
Reytingda boshqa shaharlar ham o‘rin olgan:
Qirg‘iziston poytaxti Bishkek — 26,8 indeks bilan 364-o‘rinda;
Qozog‘istonning boshqa yirik shahri Astona — 26,5 punkt bilan 366-o‘rinda;
O‘zbekiston poytaxti Toshkent esa 26,2 indeks bilan 370-o‘rinda qayd etildi.
Tojikiston va Turkmaniston shaharları bu galgi hisobotda kiritilmagan.
Toshkentdagi yashash xarajatlari
Portal keltirgan ma’lumotlarga ko‘ra, Toshkentda 4 kishilik oilaning uy-joy ijarasisiz o‘rtacha oylik xarajatlari taxminan 23 million 39 ming so‘mni tashkil etadi. Yolg‘iz yashovchi shaxs uchun esa bu ko‘rsatkich 6 million 437 ming so‘m atrofida.
Shu bilan birga, Toshkentda yashash qiymati Nyu-York bilan solishtirilganda 72,2 foiz arzonroq ekani ta’kidlangan (uy-joy ijarasi hisobga olinmagan holda). Ijara narxlari borasida esa farq yanada katta: Toshkentda uy-joy ijarasi Nyu-Yorkdagidan o‘rtacha 84,5 foiz arzon.
