Kecha, 24 sentyabr kuni Rossiya poytaxti Moskvadagi “Sheremetevo” aeroportida ikkita yo‘lovchi samolyot to‘qnashdi. Bu haqda Rossiya Federal havo transporti agentligi — Rosaviatsiya ma’lumot berdi.
Dastlabki ma’lumotlarga ko‘ra, “Rossiya” aviakompaniyasiga qarashli Sankt-Peterburg reysiga tayyorlanayotgan Superjet 100 samolyoti “Hainan Airlines” aviakompaniyasiga tegishli Pekinga qaytib ketayotgan Airbus A330 samolyoti bilan parvozga tayyorgarlik paytida to‘qnashgan. Hodisa uchish-qo‘nish yo‘lagi bo‘yida sodir bo‘lgan va yo‘lovchilarga jarohat yetmagan.
“Rossiya” aviakompaniyasi ma’lumoticha, boshqa samolyotning qanoti Superjet 100 orqa qismiga tegib, samolyotga texnik zarar keltirgan. Hainan Airlines samolyoti tekshiruvdan o‘tkazilganidan so‘ng parvozlardan vaqtincha chetlatilgan.
Yo‘lovchilarga e’tibor qaratilib, Sankt-Peterburg reysi yo‘lovchilari zaxira samolyot orqali o‘z manziliga yetib borgan, Pekin reysining 264 yo‘lovchisi esa zaxira samolyot yetib kelguncha mehmonxonada joylashtirilgan. Rosaviatsiya hodisani tergov qilish uchun maxsus komissiya tashkil qilinishini ma’lum qildi.
Bu holat yo‘lovchilar uchun xavfsizlikni ta’minlash va aeroportlarda texnik tekshiruv va nazoratning qanchalik muhim ekanini yana bir bor ko‘rsatdi.
“Zamin”ni Telegramʻda oʻqing!
