Eronning janubiy-g‘arbidagi Xuziston viloyatida terrorizm, separatizm va Isroil bilan aloqada ayblangan olti kishi qatl etildi. Bu haqda mahalliy Mehr agentligi xabar bermoqda. Mazkur hukm ularning Isroil tomonidan uyushtirilgan turli hujumlarda ishtirok etishi bilan bog‘liq ayblovlar asosida chiqarilgan.
OAV xabarlariga ko‘ra, qatl etilgan shaxslar xorijiy agentlardan ham yordam olgani haqida ma’lumotlar mavjud. Hukumat rasmiylari bu holatlarni mahalliy va xalqaro xavfsizlikka tahdid sifatida baholagan.
Xuquqni himoya qiluvchi xalqaro tashkilotlar ushbu voqeani qat’iy qoralab, Eronda qatl jazolari sonining ortib borayotganidan tashvish bildirdi. Ularning fikricha, sud jarayonlari shaffof bo‘lmay, ayblanuvchilarga nisbatan adolatli himoya kafolatlanmaydi.
So‘nggi yillarda Eron dunyoda eng ko‘p qatl jazosini qo‘llaydigan davlatlardan biri sifatida tilga olinmoqda. Mutaxassislar ta’kidlashicha, bunday qatl jazolari mamlakatdagi ijtimoiy va siyosiy muammolarni yanada keskinlashtirishi, aholi orasida qo‘rquv va notinchlikni kuchaytirishi mumkin.
Bu voqea xalqaro hamjamiyat va inson huquqlarini himoya qiluvchi tashkilotlar orasida keng muhokamalarga sabab bo‘ldi va Eronda sud tizimi va adolatli himoya masalasiga e’tiborni yanada oshirdi.
“Zamin”ni Telegramʻda oʻqing!
