Singapurda geroin saqlaganlikda ayblangan 38 yoshli Malayziya fuqarosi Pannir Selvam Prantaman qatl etildi. U 2014 yilda 52 gramm geroin bilan qo‘lga tushgan va sud tomonidan o‘lim jazosiga hukm qilingan.
Singapur qonunlariga ko‘ra, 15 grammdan ortiq geroin saqlash qatl jazosiga olib kelishi mumkin. Hukumat bu chorani “jamiyatni narkotiklardan himoya qilish” deb hisoblasa, huquq faollari buni inson huquqlariga zid deb baholamoqda.
Amnesty International tashkiloti Singapurni o‘lim jazosini bekor qilishga chaqirdi. Ularning ta’kidlashicha, Prantaman narkokuryer bo‘lgan va u modda miqdori haqida to‘liq ma’lumotga ega bo‘lmagan.
Ma’lumot uchun, joriy yilda Singapurda narkotik jinoyatlari uchun kamida 12 nafar inson qatl etilgan.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing Mavzuga oid yangiliklar
