Keniyaning Kvale okrugida kichik yo‘lovchi samolyoti halokatga uchradi.
Ma’lumotlarga ko‘ra, bortida jami 12 nafar kishi bo‘lgan, ular orasida ekipaj a’zolari va turistlar ham bo‘lgan. Samolyot Diani shahridan uchib chiqib, mashhur Masai-Mara milliy qo‘riqxonasi yaqinidagi xususiy aerodromga yo‘nalgan. Biroq parvoz vaqtida uchoq bilan aloqa uzilgan va u qisqa muddat ichida qulagan.
Qutqaruvchilar hodisa joyiga yetib borishgan va tergov ishlari boshlangan. Hozircha omon qolganlar haqida ma’lumot berilmagan, halok bo‘lganlar shaxsi esa aniqlanmoqda.
Mutaxassislar halokat sabablarini o‘rganmoqda. Ilk taxminlarga ko‘ra, ob-havo sharoiti yoki texnik nosozlik, ehtimol, halokatga sabab bo‘lgan bo‘lishi mumkin.
Ayni damda Keniya fuqarolik aviatsiyasi ma’muriyati bu voqeani mamlakatning so‘nggi yillardagi eng og‘ir aviafojealaridan biri sifatida baholamoqda.
“Zamin”ni Telegramʻda oʻqing!
