Turkiyaning Qodjaeli viloyatidagi Gebze shahrida 7 qavatli turar joy binosi qulab tushdi.
Ma’lumotlarga ko‘ra, fojia 29 oktyabr kuni ertalab sodir bo‘lgan. Hodisa oqibatida bir oila a’zolari vayrona ostida qolgan. Rasmiy ma’lumotga ko‘ra, ikki nafar bola halok bo‘lgan, yana bir qiz bola tirik holda qutqarilib, shifoxonaga yetkazilgan.
Qutqaruv ishlariga 600 dan ortiq maxsus xizmat xodimlari, o‘t o‘chiruvchilar va qutqaruv texnikalari jalb etilgan. Hozirda binodan qolgan vayronalar astida boshqa insonlar bor-yo‘qligi tekshirilmoqda.
Mutaxassislar binoga bog‘liq sabablarni — poydevor holati, qurilish sifati hamda atrofdagi infratuzilma ishlarini o‘rganmoqda. Hukumat bu holatni to‘liq tahlil qilish uchun maxsus komissiya tuzgan.
Ayni vaqtda Gebzeda xavfsizlik choralari kuchaytirilgan, binolarning texnik holati ham qayta tekshirilayotgani ma’lum qilindi.
“Zamin”ni Telegramʻda oʻqing!
