Buyuk Britaniyada London yo‘nalishidagi poyezdda sodir bo‘lgan pichoqlash hodisasi ortidan 32 yoshli erkak Antony Uilyams hibsga olindi. U 11 nafar odamni qasddan o‘ldirishga urinishda ayblanmoqda. Politsiya ma’lumotiga ko‘ra, u shanba kuni Kembrij yaqinidagi Xantingdon vokzalida bir nechta yo‘lovchilarga hujum qilgan.
Voqea natijasida jami 11 kishi jarohat olgan, ularning biri — poyezd xodimi og‘ir ahvolda shifoxonaga yotqizilgan. Politsiya hodisa terrorchilik bilan bog‘liq emasligini va gumonlanuvchining yolg‘iz harakat qilganini tasdiqladi.
Uilyams yakshanba kuni Peterboro shahrida sudga olib kelindi. Unga qasddan o‘ldirishga urinish, tan jarohati yetkazish va sovutilgan qurol bilan qurollanish bo‘yicha ayblovlar qo‘yildi. Sud qaroriga ko‘ra, u keyingi eshituvga qadar qamoqda qoladi.
Politsiya, shuningdek, gumonlanuvchining yashash joyi — Peterboro shahrida yuz bergan boshqa pichoqlash hodisalari bilan ham bog‘liqligini tekshirmoqda. Hujum qurbonlari orasida futbolchi Jonatan Gjoshe ham bor, u yengil jarohat olgan va shifoxonada davolanmoqda.
“Zamin”ni Telegramʻda oʻqing!
