Britaniyaning mashhur “Collins” lug‘ati 2025 yilning eng muhim so‘zini aniqladi — bu yil “vibe coding” atamasi yil so‘zi deb e’lon qilindi, deb xabar berdi lug‘atning rasmiy sayti.
Izohga ko‘ra, “vibe coding” — insonning vazifani oddiy tilda aytgan holda, sun’iy intellekt yordamida kod yozish jarayonini anglatadi. Ya’ni, dasturchi kodni o‘zi yozmaydi, balki AI'ga qanday natija kerakligini tushuntiradi, sun’iy intellekt esa tayyor kodni shakllantiradi.
Mutaxassislar bu atamani “texnologiya bilan muloqot qilishning yangi bosqichi” deb atashmoqda. U nafaqat Kremniy vodiysida, balki Yevropadan to Osiyogacha bo‘lgan IT jamoalarda keng qo‘llanila boshlagan.
“Collins” tahririyatining fikricha, “vibe coding” atamasi sun’iy intellektning kundalik hayotga chuqur kirib kelayotganini va odamlar ishlash usulidagi madaniy burilishni aks ettiradi.
Shuningdek, lug‘at mutaxassislari “Labubu” va “slonyara” kabi atamalarni ham 2025 yilning eng ko‘p ishlatilgan 40 ta so‘zi qatoriga kiritganini ma’lum qilgan.
Yangi so‘zning ommalashuvi inson va texnologiya o‘rtasidagi chegara tobora suyullashayotganini yana bir bor ko‘rsatmoqda.
“Zamin”ni Telegramʻda oʻqing!
