Isroilda tibbiyot amaliyoti yangi bosqichga ko‘tarildi — Petah-Tikvadagi Rabin tibbiyot markazi shifokorlari ilk bor homilador ayolga qorinni ochmasdan murakkab operatsiya o‘tkazishga muvaffaq bo‘ldi. Mutahassislar 23 yoshli Tsofiya Leibovich hayotini saqlab qolish uchun robotlashtirilgan laparoskopik usuldan foydalandi.
Ayol 32-haftalik homiladorlikda shoshilinch holat bilan kasalxonaga yotqizilgan. Odatda bunday vaziyatda ochiq jarrohlik amalga oshirilishi mumkin edi, ammo shifokorlar erta tug‘ruq xavfini kamaytirish maqsadida zamonaviy, kam qon yo‘qotadigan usulni tanladi. Robot yordamida bajarilgan teshikcha orqali operatsiya jarayoni xavfni minimal darajaga tushirdi.
Amaliyot muvaffaqiyatli o‘tdi — Tsofiya homiladorlikni davom ettirdi va bir necha haftadan so‘ng sog‘lom qizaloq dunyoga keldi.
Mutaxassislar ta’kidlashicha, homiladorlikning kech pallasida bunday texnologiya ilk marta qo‘llandi va kelgusida minglab ayollar hayotini saqlab qolish imkonini berishi mumkin.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
