Qozog‘istonning Mang‘istau viloyatida maktab o‘quvchilariga tulkilar hujum qilgani aholini tashvishga soldi. “Nur.kz” yozishicha, hodisa 21 noyabr kuni sodir bo‘lgan va ikki bola jarohat olgan.
Ma’lumotlarga ko‘ra, korsak tulkisi qishloq maktabining ikki o‘quvchisiga tashlangan. Bolalar ota-onalari bilan Beyneu tumani shifoxonasiga borgan. Tekshiruv davomida 2011 yilda tug‘ilgan bolaning o‘ng, 2018 yilda tug‘ilgan bolaning chap oyog‘ida tirnalish aniqlangan. Ikkalasiga ham jarrohlik yordami ko‘rsatilib, zarur emlashlar qilingan. Hozir holatlari qoniqarli.
Ekolog Odilbek Qo‘zibaqovning aytishicha, bunday holatlarda tezkor tibbiy murojaat juda muhim. Chunki yovvoyi hayvonlar quturish virusini tashishi mumkin. Shu bois, fuqarolar begona hayvonlarga yaqinlashmasligi va xatar sezsa darhol mutasaddilarga murojaat qilishi shart.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
