Osiyo mintaqasida bir necha kundan beri tinimsiz yomg‘ir va keskin kuchaygan suv toshqinlari katta fojealarga olib kelmoqda. “Reuters” tarqatgan ma’lumotlarga ko‘ra, Tailand, Malayziya va Indoneziyada halok bo‘lganlar soni keskin oshdi.
Tailand: qurbonlar soni 55 nafarga yetdi
Tailandda bir haftalik yomg‘ir oqibatida yuzaga kelgan sel va toshqin 55 kishining umriga zomin bo‘ldi. Eng ko‘p zarar ko‘rgan Xat Yai shahrida suv sekin-astalik bilan cheklanayotgani aytilmoqda. Bu aholiga yordam yetkazish va infratuzilmani tiklash ishlarini tezlashtirishi mumkin.
Hukumat tom kuyovlarda qolayotgan odamlarga vertolyotlar orqali oziq-ovqat va tibbiy yordam yubormoqda. Dronlar orqali kuzatuv va qutqaruv ishlari ham olib borilmoqda. Rasmiylar janubiy hududlarda taxminan 3 million kishi zarar ko‘rganini bildirdi.
Malayziya: 34 mingdan ortiq aholi evakuatsiya qilindi
Qo‘shni Malayziyada ham uzluksiz yomg‘ir kuchli suv toshqinlarini keltirib chiqardi. Yetti shtatda suv toshqinlari qayd etilgan, ikki kishi halok bo‘lgani tasdiqlandi. 34 mingdan ortiq aholi vaqtinchalik markazlarga ko‘chirilgan.
Indoneziya: Sumatrada kuchli siklon va ko‘chkilar
60 million aholi yashaydigan Sumatra orolida tropik siklon katta talofatlarga sabab bo‘ldi. Sel, ko‘chki va ko‘tarilgan suv oqibatida kamida 100 kishi bedarak yo‘qolgan.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
