Andrey Yermak korrupsiya mojarosi fonida Ukraina prezidenti devoni rahbari lavozimidan iste’foga chiqdi. Bu haqda u o‘zining Telegram kanalida ma’lum qildi.
Vladimir Zelenskiy Yermakning iste’fosi haqidagi arizasini qondirganini aytdi: "Men mish-mishlar va spekulyatsiyalar bo‘lmasligini xohlayman. Idoraning yangi rahbari masalasiga kelsak, ertaga ushbu muassasaga rahbarlik qilishi mumkin bo‘lganlar bilan maslahatlashaman."
Yermakning iste’fosi korrupsiya mojarosi fonida sodir bo‘ldi. 10 noyabr kuni Ukrainaning korrupsiyaga qarshi kurash organlari mamlakat energetika sektorida yirik noqonuniy sxema haqida xabar berdi. Jinoyatchilar "Energoatom" kontragentlaridan to‘lovlarni bloklash va yetkazib beruvchi maqomini yo‘qotish bilan tahdid qilib, shartnomalar summasining 10-15 foizini qaytarib berishni talab qilishgan.
28 noyabr kuni Yermakning uyida korrupsiya ishi doirasida tintuvlar o‘tkazildi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
