Xitoy tashqi ishlar vaziri Van Yi AQSh tomonidan Venesuela prezidenti Nikolas Maduroning qo‘lga olinishi yuzasidan bayonot berdi. U hech bir davlat o‘zini “dunyo hakami” deb bilmasligi kerakligini aytdi.
Van Yi bu fikrlarni Pokiston tashqi ishlar vaziri bilan bo‘lib o‘tgan uchrashuvda bildirdi. Uning so‘zlariga ko‘ra, barcha davlatlarning suvereniteti va xavfsizligi xalqaro qoidalarga muvofiq hurmat qilinishi lozim. U Venesueladagi so‘nggi voqealarni “kutilmagan holat” deb atadi.
Nikolas Maduro hozirda AQShda hibsda saqlanmoqda va unga nisbatan giyohvand moddalar savdosi bilan bog‘liq ish sudda ko‘rib chiqilishi kutilmoqda. AQSh prezidenti Donald Tramp Venesuela boshqaruvi vaqtincha AQSh nazoratida bo‘lishini bildirgan.
Xitoy rasmiylari Maduroning qo‘lga olinishi Pekin uchun salbiy holat bo‘lganini aytmoqda. So‘nggi yillarda Xitoy Venesuela bilan savdo aloqalarini davom ettirib kelgan va 2024-yilda mamlakatdan katta hajmda neft xarid qilgan.
“Zamin”ni Telegramʻda oʻqing!
