AQSh prezidenti Donald Tramp Rossiya tomonidan e’lon qilingan Putinning qarorgohiga Ukraina tomonidan hujum qilgani haqidagi da’volarga ishonmasligini bildirdi. U bu haqda Air Force One samolyotida Floridadan Vashingtonga qaytayotganda jurnalistlarga ma’lum qildi.
“Men bu hujum sodir bo‘lganiga ishonmayman,” dedi Tramp. “Yaqin atrofda biror voqea bo‘lgan, lekin bu bilan hech qanday aloqasi yo‘q.”
Rossiya hukumatining xabar berishicha, Kiyev 91 ta uzoq masofaga uchadigan dron orqali Putinning Novgorod viloyatidagi qarorgohiga hujum qilishga uringan. Moskva ushbu voqea yuzasidan AQSh bilan Ukraina urushini yakunlash bo‘yicha olib borilayotgan muzokaralarda o‘z pozitsiyasini qayta ko‘rib chiqishini bildirgan.
Ukraina va G‘arb davlatlari Rossiya tomonidan e’lon qilingan hujumga oid hisobotni rad etmoqda va uning haqiqatligini tan olmayapti.
“Zamin”ni Telegramʻda oʻqing!
