Janubiy Koreya prokuraturasi mamlakatning sobiq prezidenti Yun Sok Yolga nisbatan o'lim jazosi tayinlanishini talab qildi. U noqonuniy ravishda harbiy holat joriy etish orqali tartibsizliklar uyushtirish va Konstitutsiyaga putur yetkazishda ayblanmoqda. Bu haqda podrobno.uz xabar beradi.
Eslatib o'tamiz, 2024 yil dekabrida Yun Sok Yol harbiy holat e'lon qilgan, buni "konstitutsiyaviy tartibni himoya qilish" hamda "Shimoliy Koreya tomonidan tahdid" bilan izohlagan. Biroq muxolifatdagi Demokratik partiya yetakchisi Li Je Men va parlament bu qarorni bekor qilganidan so'ng, sobiq prezident bo'yicha tekshiruv boshlangan.
Yonhap xabariga ko'ra, Yun Sok Yol Milliy assambleya binosini qurshab olish uchun harbiylar va politsiyani safarbar qilgan, o'z farmoniga qarshi ovoz berishga to'sqinlik qilgan, shuningdek parlament spikeri va partiyalar yetakchilarini hibsga olish bo'yicha buyruqlar bergan.
Sobiq prezidentning turmush o'rtog'i Kim Kon Hi ham hibsga olingan. Unga aksiyalar bilan bog'liq manipulyatsiyalar, pora olish va saylov jarayoniga aralashish kabi ayblovlar qo'yilmoqda.
“Zamin”ni Telegramʻda oʻqing!
