Kanadada olimlar hayvonlar evolyutsiyasi tarixini “qayta ochib berishi” mumkin bo‘lgan noyob topilmaga duch keldi. Yangi Shotlandiya viloyatida taxminan 307 million yil avval yashagan qadimgi jonzivorning bosh suyagi aniqlandi. Mutaxassislar buni quruqlikda yashagan eng ilk o‘simlikxo‘r umurtqalilardan biri, deb baholamoqda.
Topilgan mavjudotga Tirannorotor heberti deb nom berilgan. Qizig‘i, tashqi ko‘rinishidan u sudralib yuruvchilarga o‘xshab ketsa-da, olimlar uni mikrozavrlar guruhiga kiritmoqda. Tadqiqotchilar hisobicha, jonzivorning uzunligi taxminan 30,5 santimetr bo‘lgan — hozirgi kaltakesaklarga yaqin qiyofada tasavvur qilish mumkin.
Eng muhim jihat — uning ovqatlanish uslubi. Olimlar mikrokompyuter tomografiyasi yordamida tish tizimini o‘rganib, Tirannorotor hebertida rivojlangan chaynash mexanizmi borligini aniqlagan. Bu esa o‘sha davrdayoq o‘simlikni samarali chaynab, hazm qilishga moslashgan organizmlar paydo bo‘la boshlaganini ko‘rsatadi.
“Zamin”ni Telegramʻda oʻqing!
