Ukraina OAV xabariga ko‘ra, Herman Galushchenko 14–15-fevral kechasi davlat chegarasini kesib o‘tishga urinayotganida ushlangan. "Ukrainskaya pravda" siyosiy doiralardagi manbasiga tayanib, uni poyezddan tushirishganini yozdi.
Manbalarga ko‘ra, bu holat katta korrupsiya mojarosi sifatida tilga olinayotgan "Midas" ishi fonida yuz bergan: chegarachilarga Ukraina Milliy korrupsiyaga qarshi kurash byurosi hamda Ixtisoslashtirilgan korrupsiyaga qarshi kurash prokuraturasi tomonidan, agar u chiqib ketishga urinsa, tezkor ma’lumot berish bo‘yicha so‘rov kelgani aytilmoqda. Shu kuni Reuters ham korrupsiyaga qarshi idoralar sobiq vazirni chegarada ushlaganini xabar qildi.
Qo‘shimcha tafsilotlar hozircha cheklangan: tergov harakatlari davom etyapti va rasmiy izohlar to‘liq ochiqlanmagan. NV kabi nashrlar Galushchenko 2021–2025-yillarda energetika vaziri bo‘lib ishlagani, 2025-yilda qisqa muddat adliya vazirligini ham boshqargani haqida yozmoqda.
“Zamin”ni Telegramʻda oʻqing!
