Zakon.kz xabar berishicha, bitta lokomotiv va 22 ta vagondan iborat shokoladli asar Ginnesning rekordlar kitobiga kiritildi.
Rekordlar kitobi rasmiy saytidagi ma’lumotlarga ko‘ra, 55 metrli eski uslubdagi shokoladli poyezd Maltada yaratilgan. 22 ta vagonning har biri 160 kg gacha og‘irlikka ega.
Shu tariqa, maltalik shokoladchi Endryu Farrujia o‘zining uchinchi Ginnes rekordini yangiladi. U va uning jamoasi loyihaga tayyorgarlik ko‘rish uchun bir yil sarflashdi. Ishlab chiqarishning o‘zi to‘rt oy davom etdi.
Hunarmand har bir poyezd komponentining loydan yasalgan modellarini yaratdi, keyin ular shokoladga quyildi. Nihoyat, barcha komponentlar katta shokoladchilar jamoasi tomonidan yig‘ildi. Shirin poyezdning taxminan besh ming bo‘lagi qo‘lda o‘yilgan.
Poyezd Milanda namoyish etildi va rekord uzunlikdagi shokoladli modelni ko‘chirish qiyin edi. Shuning uchun uni Italiya poytaxtiga tashish jarayonning eng xavfli qismi bo‘lib chiqdi.
"Biz har bir buyumni plastik plyonka bilan mahkam o‘rashimiz kerak edi. Lekin men barcha konstruksiyalar xavfsiz tarzda yetib kelganini va birorta ham qismi shikastlanmaganini xabar qilishdan juda mamnunman!", dedi Endryu Farrujia.
“Zamin”ni Telegramʻda oʻqing!
