Xitoyning yirik texnologik gigantlaridan biri “Tencent” uy hayvonlari e’tiboriga mo‘ljallangan yangi telekanal “Pet.TV”ni ishga tushirdi. Bu haqda REN TV ma’lumot berdi.
Ma’lum qilishlaricha, “Pet.TV” Tencentning video platformasi orqali doimiy, 24 soat davomida efirga uzatiladi. Kanalni tomosha qilish uchun obuna zarur bo‘lib, oylik narxi 25 yuan (taxminan 44 000 so‘m)ni tashkil etadi.
Kanalda Tencent tomonidan tayyorlangan videolar bilan birga AQShdagi “Dog.TV” platformasining kontentlari ham joy oladi. Kompaniya vakillari ta’kidlashicha, barcha videolar uy hayvonlarining ko‘rish va eshitish qobiliyatlari hisobga olingan holda tayyorlangan. Unda maxsus ranglar kombinatsiyasi, kadrlar tezligi va audio chastotalar e’tiborga olingan.
Bundan tashqari, videolar hayvonlar zotiga qarab bir necha toifaga ajratilgan. Masalan, ayrim videolar ma’lum zotdagi itlar uchun alohida moslashtirilgan.
Shu tariqa, Pet.TV uy hayvonlari sohasidagi eng zamonaviy va ixtisoslashgan telekanal sifatida taniladi.
“Zamin”ni Telegramʻda oʻqing!
