Tayvan Xitoy sanksiyalarini ahamiyatsiz deb baholadi
Tayvan hukumati Xitoyning orolga qurol yetkazib beruvchi Yevropa kompaniyalariga nisbatan joriy etgan sanksiyalarini ahamiyatsiz deb baholadi. Mudofaa vaziri Vellington Ku ushbu cheklovlar mamlakatning mudofaa salohiyatiga jiddiy ta’sir ko‘rsatmasligini va qurol xaridi turli manbalar orqali davom etishini ta’kidladi. Pekin asosan Chexiya kompaniyalariga qarshi choralar ko‘rgan bo‘lsa-da, Tayvan Markaziy va Sharqiy Yevropa davlatlari bilan harbiy hamkorlikni kengaytirishda davom etmoqda. Orol davlati o‘z xavfsizligini ta’minlashda asosiy e’tiborni AQSH va boshqa xalqaro hamkorlar bilan aloqalarga qaratmoqda.
Tayvan Xitoy tomonidan Yevropa qurol ishlab chiqaruvchilariga nisbatan joriy etilgan sanksiyalarni ahamiyatsiz deb baholadi.
Mamlakat mudofaa vaziri Vellington Ku bu choralar Taybeyning mudofaa salohiyatiga jiddiy taʼsir koʻrsatmasligini taʼkidladi.
Maʼlum qilinishicha, Beijing orolga qurol yetkazib bergan Yevropa kompaniyalariga nisbatan cheklovlar joriy etgan.
Xususan, Xitoy Tijorat vazirligi ushbu kompaniyalarga ikki maqsadli tovarlar eksportini taqiqlagan.
Sanksiyaga uchragan yetti kompaniyadan toʻrttasi Chexiyaga tegishli ekani qayd etilgan.
Vazirning soʻzlariga koʻra, Xitoy bunday choralarni avval ham qoʻllagan va Tayvan qurol xaridini turli manbalar orqali davom ettiradi.
Maʼlumot uchun, Tayvan asosan harbiy texnikani AQShdan sotib oladi, biroq soʻnggi yillarda Markaziy va Sharqiy Yevropa davlatlari bilan ham hamkorlik kengayib bormoqda.
Izohlar 0
…