G‘olibaf AQSHga kinoya qildi: blokada ish beradimi?
Eron parlamenti spikeri Muhammad Bagir Golibaf ijtimoiy tarmoqda AQShga nisbatan kinojali bayonot bilan chiqdi. U AQSh hududida ikki devor qurish misolini keltirib, bu devorlarning umumiy uzunligi Eronning chizig‘idan qisqa ekanini ta'kidladi. Golibaf, ehtimoliy blokada yoki bosim choralarini istehzo bilan baholab, "blokada omad tilayman" dedi. Bu bayonot AQSh va Eron o'rtasidagi keskin ritorikani yana bir bor namoyon etdi.
Eron parlamenti spikeri Muhammad Bager G‘olibaf ijtimoiy tarmoqdagi sahifasida AQSHga nisbatan kinoyali bayonot bilan chiqdi. Uning fikrlari qisqa vaqt ichida keng muhokamalarga sabab bo‘ldi.
G‘olibaf o‘z postida AQSH hududi bo‘ylab shartli ravishda ikkita devor qurish misolini keltiradi. Uning ta’kidlashicha, agar bitta devor Nyu-Yorkdan G‘arbiy sohilgacha, yana biri esa Los-Anjelesdan Sharqiy sohilgacha qurilsa, ularning umumiy uzunligi 7 755 kilometrni tashkil etadi.
Biroq bu raqam ham Eronning umumiy chegaralari uzunligidan qariyb 1 000 kilometrga qisqa ekanini alohida urg‘ulaydi. Shu orqali u ehtimoliy blokada yoki bosim choralarini istehzo bilan baholab, “blokadada omad tilayman” deya kinoya qiladi.
Shuningdek, u post yakunida AQSH rasmiylaridan biri Pit Hegsetga murojaat qilib, kilometr va mil o‘rtasidagi farqni eslatib o‘tadi: “1 km = 0,62 mil”.
Mazkur bayonot fonida AQSH va Eron o‘rtasidagi keskin ritorika yana bir bor namoyon bo‘ldi. Tahlilchilarga ko‘ra, bunday chiqishlar ikki davlat o‘rtasidagi siyosiy ziddiyat va o‘zaro tanqidlar davom etayotganidan darak beradi.
Izohlar 0
…