Avstraliyada sodir bo‘lgan g‘ayrioddiy holat ijtimoiy tarmoqlarda katta shov-shuvga sabab bo‘ldi. Buyurtma qilingan pitsa kuryer yetkazib bergach, kutilmaganda “o‘g‘irlik” qurboniga aylandi — uni to‘tiqushlar olib ketdi.
Guvohlarning aytishicha, och qolgan qushlar juda chaqqonlik bilan harakat qilib, pitssani ilib ketgan. Bu jarayonni ko‘rganlar esa voqeani kulgili va noodatiy deb baholamoqda.
Ijtimoiy tarmoq foydalanuvchilari ushbu holatni hazil aralash “yilning eng yoqimtoy o‘g‘irligi” deb atashdi. Ayrimlar esa buyurtma bergan odamga keyingi safar nafaqat kuryerga, balki “mehmon” bo‘lib kelgan qushlarga ham choychaqa qoldirishni maslahat berdi.
Mazkur voqea internetda tezda tarqalib, ko‘pchilikka kayfiyat ulashdi. Qushlarning bunday “reyd”lari kam uchrasa-da, bu safargi holat o‘zining kulgililigi bilan uzoq vaqt esda qolishi aniq.
