Ajoyib hodisa: Chilidagi cho‘l kuchli yomg‘irdan so‘ng gullarga burkandi

1 daqiqa o'qish406
Ajoyib hodisa: Chilidagi cho‘l kuchli yomg‘irdan so‘ng gullarga burkandi

Chilidagi Atakama cho‘lining katta qismi kuchli yomg‘irlardan keyin rang-barang gullarga burkandi, deb Associated Press xabar berdi. Dunyodagi eng quruq qutbsiz cho‘l hisoblangan hududda millionlab urug‘ va piyozchalar unib, gullagan.

Ma’lum qilinishicha, joriy yil boshida El-Nino ob-havo hodisasi ta’sirida Atakamada kuchli yog‘ingarchilik kuzatilgan. Ayrim urug‘lar va piyozchalar o‘nlab yillar davomida tuproq ostida faol bo‘lmagan holda saqlangan.

Chili Milliy o‘rmon xo‘jaligi korporatsiyasi ma’lumotlariga ko‘ra, hududda 200 dan ortiq o‘simlik turi gullagan. Qizil va sariq nanyuka, binafsha gullar, oq suspiro, to‘q sariq tersopelo hamda garra de leon kabi o‘simliklar cho‘l manzarasini o‘zgartirgan.

Iyul va avgust oylarida ayrim hududlarda 160–190 millimetrgacha yomg‘ir yoqqan. Bu 1950-yillarda boshlangan kuzatuvlardan beri qayd etilgan eng yuqori ko‘rsatkichlardan biri bo‘lgan.

Bu yil gullagan cho‘l hududi taxminan 17 ming kvadrat kilometrni tashkil etgan. CONAF bu 1997 yildan beri eng keng va jadal gullash mavsumi bo‘lishi mumkinligini bildirgan.

Noyabrga qadar gullagan cho‘lni ko‘rish uchun hududga qariyb 300 ming turistik tashrif amalga oshirilishi kutilmoqda.

Maqola sizga yoqdimi?

Obuna bilan reklama bo'lmaydi

Zamin Premium — oyiga 4 900 so'm

Izohlar0

…

  1. Futbol akademiyalari uchun Skaut: to‘lov, davomat va ota-ona bilan aloqa endi bitta tizimda
  2. Toshkentdan Amerikaga: Nurmuxammad Ismoilov Akinda orqali halol investitsiyani global miqyosga olib chiqmoqda
  3. Avtoservisingizni raqamlashtiring: Bip Business bilan mijozlarni yo‘qotmang
  4. Mashina oynasiga raqam yozish xavflimi? Bip haydovchilar uchun yangi yechim topdi!
  5. 8 ta keng tarqalgan moliyaviy xato: nimalardan saqlanish kerak?
  6. Playmatch: maydon egalari ishini ancha yengillashtiradi
  7. Playmatch: futbol o‘ynash uchun kerakli barcha xizmatlar bitta ilovada
  8. Kundalik xarajatlar uchun kartani qanday tanlash mumkin?
  9. Eldor Shomurodov futbol akademiyasi va TBC Bank: bolalik orzularidan katta futbolgacha
  10. ANORBANK Boʻstonliqdagi 168-son maktab-internat tarbiyalanuvchilarini tabrikladi
  11. Haydovchilar va tashuvchilar uchun OSGOP sug‘urtasining afzalliklari...
  12. Pure Milky’dan navbatdagi kreativ: Har qadam — aziz insonlarga mehr bilan!
  13. Kredit olish imkoniyatini oshirish uchun qayerda ishlash kerak?
  14. Biznes imkoniyatingizni kengaytiring
  15. Fanning rivojlanishiga barchamiz mas’ulmiz!
  16. XIV Toshkent xalqaro kinofestivali qanday o‘tkazilmoqda?