21:44 / 31.10.2015
6 814

Rossiya Transport vazirligi Airbus A321 ni terrorchilar urib tushirganini rad etdi

Rossiya Transport vazirligi Airbus A321 ni terrorchilar urib tushirganini rad etdi
Rossiya Transport vazirligi Misrda halokatga uchragan Rossiya layneri terrorchilar tomonidan uchirilgan zenit raketasi orqali urib tushirilgani haqida OAVlarda paydo bo‘lgan xabarlarni rad etdi. Bu haqda «Gazeta.ru»ga asoslanib «Daryo» nashri xabar bermoqda.

«Hozir turli OAVlarda Sharm-ash-Shayxdan Sankt-Peterburgga reysni amalga oshirayotgan Rossiyaning yo‘lovchi layneri go‘yoki terrorchilar tomonidan uchirilgan zenit raketasi bilan urib tushirilgani haqida ma’lumotlar paydo bo‘lmoqda. Bu ma’lumotlarni ishonchli deb hisoblab bo‘lmaydi», — dedi RF Transport vaziri Maksim Sokolov.

Sokolovning qayd etishicha, Rossiya Misrdagi hamkasblari va ushbu mamlakatning aviasiya ma’murlari bilan doimiy aloqada bo‘lib turibdi.

Oldinroq IShID terrorchilik guruhi Airbus A321 halokati uchun mas’uliyatni o‘z zimmasiga olgan edi.

Eslatib o‘tamiz, Rossiyaning Metrojet («Kogalimavia») aviakompaniyasiga tegishli Airbus A321 layneri halokati natijasida samolyot bortidagi 224 kishidan iborat barcha yo‘lovchi va ekipaj a’zolari halok bo‘lgan.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Dunyo » Rossiya Transport vazirligi Airbus A321 ni terrorchilar urib tushirganini rad etdi