Parijda terrorchi-kamikadze uyushtirgan portlashdan so‘ng telefon bir erkakning hayotini saqlab qoldi

Parijda terrorchi-kamikadze uyushtirgan portlashdan so‘ng telefon bir erkakning hayotini saqlab qoldi. Bu haqda “TJ”ga asoslanib “Daryo” nashri xabar bermoqda.

Silvestr ismli erkakning aytishicha, u “Stad de Frans” stadioni yaqinida turgan vaqtda qo‘lidagi Samsung Galaxy telefoni uning hayotini saqlab qolgan.

Silvestr telefonda suhbatlashayotgan vaqtda shu yaqin orada bo‘lgan terrorchi-kamikadze o‘zini portlatib yuborgan va portlovchi qurilmaning bir parchasi uning telefoni korpusiga kelib urilgan hamda erkakni jiddiy jarohat olishdan saqlab qolgan.

Eslatib o‘tamiz, 14 noyabrga o‘tar kechasi Parijda teraktlar ketma-ketligi yuz berdi. So‘nggi ma’lumotlarga ko‘ra, shahardagi qo‘poruvchilik harakatlari oqibatida 130 ga yaqin odam halok bo‘lgan. Fransiyada uch kunlik umummilliy motam e’lon qilingan. “Zamin” yangiliklarini “Facebook”da kuzatib boring