2 701
«Chegara bilmas muxbirlar» Toqayevni Nazarboyevning «repressiv usullari»dan voz kechishga chaqirdi
«Chegara bilmas muxbirlar» xalqaro tashkiloti 9 may kuni Qozog‘istonda yuz bergan «ommaviy internet-senzura»ni qoralovchi bayonot bilan chiqdi va «muvaqqat prezident Qosim-Jomart Toqayevni o‘zidan avvalgi rahbar - Nursulton Nazarboyevning «repressiv amaliyoti»dan voz kechishga» chaqirdi.
Tashkilotning rasmiy bayonotida aytilishicha, mamlakatda 9 may kuni ertalabdan bir nechta axborot vositalarining saytiga kirib bo‘lmagan, Facebook, Telegram, YouTube hamda Instagram «kun o‘rtasida uzilgan».
«Chegara bilmas muxbirlar»ning ta’kidlashicha, «muxolifatchi Muxtor Ablyazov chaqiriq bilan chiqqan tinch norozilik namoyishlari, xuddi o‘tmishda bo‘lgani kabi, senzurani keltirib chiqardi».
«Chegara bilmas muxbirlar» tashkilotning Yevropa va Markaziy Osiyo bo‘yicha bo‘limi rahbari Johann Birning so‘zlarini keltiradi: «Jamiyatning axborot olish huquqini amalga oshirishga to‘sqinlik qilinishini hech qanday bahonalar bilan oqlab bo‘lmaydi».
Uning qo‘shimcha qilishicha, Qozog‘iston hukumati «agarda islohot siyosati ishonchli bo‘lishini xohlasa, unda avvalgi davrning repressiv amaliyotidan voz kechishi kerak. Internet-senzura Qozog‘iston «Butunjahon matbuot erkinligi indeksi»da 180 pog‘onadan 158-o‘rinni egallab turganining sabablaridan biri. Bu ko‘rsatkich xalqaro miqyosdagi obro‘ga salbiy ta’sir ko‘rsatmoqda».
«Chegara bilmas muxbirlar»ning fikricha, Qozog‘iston hukumati «mart oyida Nazarboyev iste’foga chiqqanidan keyingi namoyishlar to‘lqinidan xavotirda».
9 may kuni mamlakatda bir nechta OAV va inson huquqlari tashkilotlarining veb-saytlariga kirish to‘sib qo‘yildi. Internet foydalanuvchilari ijtimoiy tarmoqlarga ham kira olmaganlar, ba’zilar internet va mobil aloqadagi uzilishlar haqida xabar berishdi. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Samarqandda haydovchidan pora so‘ragan YPX xodimlari ishdan bo‘shatildi
Ar-Riyodda forum: AQSH-Xitoy tirashuvi va Yaqin Sharq inqirozi diqqat markazida
Fransiyalik taniqli aktyor Jerar Deparde jinsiy tajovuzda ayblab, hibsga olindi
G‘azo himoyasidagi oliygohlar yoxud AQSHda "talabalar bahori"
O‘zbekistonlik jangchi UFC reytingida top-darajaga ko‘tarilganidan keyin nimalar dedi?
Zaporoje viloyatining Rabotino shahri shimolida Rossiya bayrog‘i ko‘tarildi
Sharmandaga shahar keng
AQSH Rossiyani Ukrainaga qarshi kimyoviy qurol qo‘llaganlikda aybladi