Amerikalik erkak 75 ming dollar evaziga oyoqlarini uzaytirdi

^{Foto: Daily Mail}
Texas shtatining Dallas shahrida istiqomat qiluvchi Alfonso Flores bo‘yini o‘stirib, xuddi basketbolchilarga o‘xshash borasidagi orzusini amalga oshirish uchun 75 ming dollarga oyoqlarini operatsiya qildirdi, deb xabar beradi «Korrespondent.net».

Ta’kidlanishicha, 28 yoshli erkak o‘smirligidayoq bo‘yi baland bo‘lishini istagan. 2020 yilda u jarroh-ortoped Kevin Debiparshad rahbarligidagi Las-Vegasda joylashgan klinikalarning birida qimmat turuvchi operatsiyani o‘tkazishga qaror qilgan.

Doktor Debiparshadning so‘zlariga ko‘ra, tos sonini uzaytirish bo‘yicha LimbplastX soatbay kosmetik jarayoni minimal darajada invaziv hisoblanadi — jarrohlar bemor oyog‘ida to‘rttadan oltitagacha kesishlarni amalga oshiradi.

^{Foto: Daily Mail}
Son suyagi bo‘shlig‘iga bemor masofadan turib boshqarish pulti yordamida boshqara oladigan superzamonaviy implant joylashtiriladi. Sekin-asta uzayib, qurilma suyakni cho‘zadi.

Alfonso jarrohlik amaliyotidan bir soat o‘tib, yura boshlagan va uning tan olishicha, operatsiya kutganidek og‘riqli bo‘lib chiqmagan.

^{Foto: Daily Mail}
Natijada erkakning bo‘yi besh santimetrga oshib, 185 santimetrga yetgan.

«180 santimetr yaxshi bo‘y ekanligini bilaman va ko‘plab insonlar shunga ham xursand bo‘ladi, ammo men balandroq bo‘lishni xohladim», — deydi amerikalik.

U o‘zi havas qilgan insonlar orasida basketbolchilar Maykl Jordan, Fil Jekson, Kobi Brayant va otasi borligini sanab o‘tgan. “Zamin”ni Telegramʻda oʻqing!