Bu voqea 1955 yilda suriyalik qiz Xala Atiq bilan sodir bo‘lgan edi. Bir kuni Xalaning otasi ularning butun oilasi Suriyadan AQSHga ko‘chib ketishga qaror qilganini aytdi. U xotiniga ko‘chib boriladigan uyni tartibga solish uchun ulardan oldin Kaliforniyaga borishini va uch hafta ichida qizlarini olib, uning orqasidan uchishini buyurdi.
Uch hafta o‘tgach, ona yuklarini yig‘di va qizlari bilan Nyu-Yorkka uchib ketdi. Nyu-York aeroportiga etib borgach, xodimlar ulardan suratga tushish uchun hijoblarini yechishni so‘radi. Ona juda ikkilanib, sarosimaga tushib qoldi, oxir-oqibat uni yechib suratga tushdi. Uning ortidan ikki katta qizi ham ro‘mollarini yechishdi. Navbat eng kichigi Xalaga kelganida, u ro‘molini yechishdan bosh tortdi!
Aeroport xodimlari va oilasi qancha urinishmasin, u fikridan qaytmadi va Allohga tavba qila boshladi. 13 yoshli qiz: "Agar Amerikada bo‘lishimning sharti dindan voz kechish bo‘lsa, men Suriyaga qaytaman", dedi.
Qancha do‘q-po‘pisalarga qaramay, u o‘z mamlakatiga, ro‘moli bilan yolg‘iz o‘z qaytishini qat’iyan takrorlar edi. Hatto uni ko‘ndirish uchun ofitserlar va yuqori lavozimli mulozimlarni ham olib kelishdi. Buning ham foydasizligini anglagach, uni bir xonada yolg‘iz ajratib qo‘yishdi va Suriyaga qaytarib yuborilishini aytishdi. Oxir oqibat, uning e’tiqodi, diniga mustahkamligi oldida aeroport xodimlari ham bosh egishdi. Shu tariqa uning fotosurati ro‘mol bilan olindi. Bu Amerika tarixidagi grinkard uchun tushirilgan hijobli qizning ilk fotosurati edi!
Onasi va opalari Nyu-Yorkdan Kaliforniyaga samolyotda uchishlari kerak edi. Ammo Xala tufayli samolyot ularsiz uchib ketdi.
Bir necha daqiqadan so‘ng, ular uchishi lozim bo‘lgan samolyot qulab tushgani haqida shoshilinch xabar keldi...
Yoqub Umar tayyorladi
“Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Shveysariya prezidenti Putinga maktub yo‘lladi
Germaniyaning Knauf kompaniyasi Rossiyadan butunlay chiqib ketishini tasdiqladi
Damas uchun onlayn kontraktatsiya ochiladi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Ramzan Qodirovning 19 yoshli qizi medal bilan taqdirlandi
O‘zbekistonda o‘tgan uch oyda qancha avtomobil ishlab chiqarilgan?
AQSHning Suriyadagi harbiy bazasiga raketalar hujum qildi
Olimlar o‘quvchilarning familiyasidagi bosh harf ularning bahosiga ta’sir qilishini aniqladi
