Turkiya va Qatar Kobul aeroportini boshqarish bo‘yicha kelishuvga erishdi

^{Foto: Reuters}
Turkiya va Qatar Kobul aeroportini boshqarish bo‘yicha kelishuvga erishdi, deb xabar berdi Aksam gazetasi.

Avvalroq Turkiya tashqi ishlar vaziri Mavlud Chovusho‘g‘lu Anqara va Doha "Tolibon" harakati vakillariga Afg‘onistonning besh aeroportini boshqarish bo‘yicha hamkorlikdagi takliflarini taqdim etishini ma’lum qilgandi.

Kobul aeroportining uchish-qo‘nish yo‘lagi va terminallari 26 avgustda sodir etilgan terakt oqibatida qattiq zarar ko‘rgandi. Avgust oxiridan buyon Qatar va Turkiya mutaxassislari aeroport faoliyatini yuritishda yordam bermoqda.

4 sentabr kuni Mozori Sharif, Qandahor va Hirot aeroportlaridan ilk samolyotlar parvoz qildi. Sentabrning ikkinchi yarmidan boshlab Kobul aeroporti Eron, Pokiston va Saudiya Arabistonidan charter reyslarni qabul qilmoqda. “Zamin”ni Telegramʻda oʻqing!