15:29 / 27.04.2022

Ukrainada urushning 62-kuni: Kiyevda snos qilingan «xalqlar do‘stligi», zirhli nimcha taqqan ukrain fermeri (foto)

Ukrainada urushning 62-kuni o‘tdi. Kiyev oblastida o‘ldirilgan tinch aholi vakillari topilishi davom etmoqda. Chernobil AESdagi avariyaga — 36 yil bo‘ldi, u yerda ishlaganlar xotirasiga gullar keltirildi. Kiyevda Rossiya va Ukraina xalqlari do‘stligi yodgorligi demontaj qilindi. Donbass shimolida — otishmalar va hovlilarda qabrlar.

^{Ayol erining dafn marosimida qo‘shnisini quchmoqda. Bucha yaqinidagi Ozero qishlog‘ida yashagan Nikolay Moroz 13 mart kuni rossiyaliklar tomonidan asir olingan, uni noma’lum tomonga olib ketishgan. Bir necha hafta o‘tib uning jasadi uyidan 15 kilometr masofadan topildi, uning tanasida o‘qotar quroldan qolgan jarohatlar aniqlangan. Foto: Emilio Morenatti / AP / Scanpix / LETA}

Ukrainadagi urush. So‘nggi ma’lumotlar

Chorshanba kuni Rossiya Polshaga gaz yetkazib berishni to‘xtatdi. Varshavadagilar Moskvaning gaz uchun faqat rublda to‘lov qilish borasidagi talabi noqonuniy ekani va ular shusiz ham «Gazprom» bilan shartnomani uzaytirish niyatida bo‘lmaganini aytishdi.
Rossiyaning Belgorod oblastidagi portlashlar bilan bir vaqtda Kursk oblasti gubernatori ham havo hujumidan mudofaa tizimi ishga tushganini xabar qilgan. Voronej oblasti rasmiylari esa Voronej shahri yaqinida razvedkachi dron urib tushirilganini ma’lum qildi.
Germaniyadagi Ramshtayn harbiy bazasida 40 mamlakat mudofaa vazirlari Ukrainaga harbiy yordam masalasini muhokama qilishdi. Ramshtayndagi qurultoy nafaqat yangi strategiyani ishlab chiqishga, balki birdamlikni namoyish etishga qaratilgan. Uchrashuvdagi asosiy yangiliklardan biri Germaniya Kiyevga «Gepard» rusumli zenit qurilmalarini yuborishi bo‘ldi.
Britaniya tashqi ishlar vaziri Liz Trass Ukrainaga yordamni ikki barobar ko‘paytirish va bu tajovuzni to‘xtatish uchun og‘ir qurollar, jumladan tank va samolyotlar yetkazib berish bo‘yicha berilgan va’dalarni bajarishga chaqirdi.
Lugansk oblasti harbiy ma’muriyati rahbari Sergey Gayday Rossiya Rubejnoyeni egallagani haqidagi xabarlarni rad etdi. «Urush boshlanganidan buyon uchinchi marta: RF mudofaa vazirligi yana Rubejnoye «ozod etilgani» haqida aytmoqda. Yana soxta bayonot», degan u.
Rossiya armiyasi Dnestrbo‘yidan hujum qilishi mumkinligi borasida gapirgan prezident Volodimir Zelenskiy Ukraina bunga tayyorligini aytdi. U Dnestrbo‘yidagi portlashlar va otishmalar – Rossiya tomonining mintaqadagi vaziyatni beqarorlashtirishga qaratilgan provokatsiyasi ekanini ta’kidladi.

^{Nikolay Morozning qarindoshlari u bilan vidolashmoqda
Emilio Morenatti / AP / Scanpix / LETA}

^{Noviy Bikov qishlog‘idagi madaniyat markazi binosi devorida «Rossiyaga sharaflar» yozuvi. Uning ostida — neonatsistlarga xos ramz bo‘lgan keltcha krest
Alexey Furman / Getty Images}

^{Kiyevda Rossiya va Ukraina xalqlari do‘stligi arkasidagi yodgorlik demontaj qilindi. Snos vaqtida dastlab rus ishchisi haykalining boshi uchib tushgan. Shahar meri Vitaliy Klichkoning so‘zlariga ko‘ra, arkaning yangi nomi Ukraina xalqi ozodligi arkasi bo‘ladi.
AP Photo/Efrem Lukatsky}

^{Kiyevda Chernobil qahramonlari monumentiga gul qo‘yayotgan ayol. Bu monument ehtimoliy zarbalardan himoyalash maqsadida qum to‘ldirilgan qoplar bilan o‘rab qo‘yilgan. Yigirma oltinchi aprel kuni — Chernobil AES avariyasiga 36 yil to‘ldi
Oleg Petrasyuk / EPA / Scanpix / LETA}

^{Chernobildagi halokat vaqti qurbon bo‘lgan o‘t o‘chiruvchilar monumenti oldida turgan ukrain askari
Sergei Supinsky / AFP / Scanpix / LETA}

^{Chernobildagi daraxt ostida turgan avtomobil
Francisco Seco / AP / Scanpix / LETA}
Ujgorod

^{Ayol turmush o‘rtog‘ini frontga kuzatmoqda
Serhii Hudak / Reuters / Scanpix / LETA}
Xarkov

^{Metroga kirish qismida turgan ayol. Xarkovliklar rossiyaliklarning zarbalaridan jon saqlash uchun hamon metroda qolishga majbur bo‘lmoqda
Ricardo Moraes / Reuters / Scanpix / LETA}

^{Metroda shashka o‘ynayotgan erkaklar
Ricardo Moraes / Reuters / Scanpix / LETA}

^{Uch nafar ukrainalik shahar aholisiga gumanitar yordam tarqatmoqda (ulardan biri bolani o‘ynatmoqda). Ular bu ishni har kuni qilishadi.
Dimitar Dilkoff / AFP / Scanpix / LETA}

^{Gumanitar yordam uchun navbatda turgan odamlar
Dimitar Dilkoff / AFP / Scanpix / LETA}
Zaporoje oblasti

^{Dalada bronjilet va kaskada ishlayotgan ukrain fermeri
Ueslei Marcelino / Reuters / Scanpix / LETA}
Donbass shimoli

^{Rossiyaliklarning navbatdagi zarbasidan keyin ufqda hosil bo‘lgan tutun
Yasuyoshi Chiba / AFP / Scanpix / LETA}

^{Rubejnoye shahridagi bolalar maydonchasida paydo bo‘lgan qabr. 25 aprel kuni Ramzan Qodirovning maslahatchisi shahar to‘liq nazorat ostiga o‘tganini ma’lum qildi
Aleksandr Reka / TASS}

^{Slavyansk yaqinida BTRda ketayotgan ukrain askari. Shahar Ukraina nazoratida qolmoqda
Yasuyoshi Chiba / AFP / Scanpix / LETA}

^{Kramatorskedagi shifoxonada derazalar ortiga qo‘yilgan qoplarga ilingan o‘pka rentgeni tasviri. Shahar Ukraina nazoratida qolmoqda
Evgeniy Maloletka / AP / Scanpix / LETA} Rossiya va Ukraina urushi