16:54 / 19.04.2016
10 812

Arslon (23 iyul – 23 avgust)

Arslon (23 iyul – 23 avgust)
Ramzlari: arslon, oqqush.

Ranglari: qirmizi (to‘q qizil), tillarang, to‘q sariq, alvonrang (och qizil), qora (oq – omadsiz rang).

Toshlari: qahrabo, xrizolit, topaz, la’l, olmos.

Gullari: sallagul, hamishabahor, gladiolus, xrizantema.

Omadli raqamlari: 1, 5, 9, 11.

Omadli kuni: yakshanba.

Omadsiz kuni:
shanba.

23 iyul - 1 avgust oralig‘ida tug‘ilgan arslon burji vakillarini Saturn sayyorasi boshqaradi. Ular hayotga sinovchan nigoh tashlaydi. Har bir voqea-hodisani yuragidan o‘tkazib, so‘ng idrok etadi. Yirik adib bo‘lib etishishi mumkin. Shuningdek, tashkilotchilik qobiliyatiga ega. Matonatli. Katta miqdorda pul ishlab topishi mumkin. Maqsadiga erishish yo‘lida qat’iyatli. Qiyinchiliklarga bardoshli. Og‘ir-bosiq, mas’uliyatni chuqur his etadi. Farzandlari bilan munosabatlari anchayin murakkab kechadi. Tanishlari nihoyatda ko‘p. Hayotiy quvvati pastroq.

2-12 avgust oralig‘ida tug‘ilgan arslon burji vakillarini Yupiter boshqaradi. Ular ko‘pincha o‘z fikrini, hatto nohaqligini bilsa ham, ustun qo‘yadi. Hamisha ko‘pchilikdan ajralib turishga intiladi. Iqtidorli notiq, aktyor, musavvir. U chizgan natyurmortni ko‘rsangiz, suratda aks etgan mevalar so‘lagingizni oqizib yuboradi. Hayotda doimo muvaffaqiyatga erishadi. Omad uning ortidan ergashib yuradi. Atrofdagilarning unga havasi keladi. Amal pog‘onasidan oson yuqorilaydi. Tanqidga toqati yo‘q. Ajoyibu g‘aroyib rejalar tuzadi.

13-23 avgust oralig‘ida tug‘ilgan arslon burji vakillarini Mars boshqaradi. Ularning hayotida va xizmat faoliyatida tez-tez o‘zgarishlar yuz berib turadi. Buyuk sportchi bo‘lib etishishi, harbiy va siyosiy sohada olamshumul shuhrat qozonishi mumkin. Mansabparast. Umrida bir necha bor nikohdan o‘tishi mumkin. O‘zining fikriga qo‘shilmaydiganlarga nisbatan toqatsiz va qo‘pol. Raqiblari bilan tezda dahanaki jangga kirishishi, hatto mushtlashib ketishi mumkin. Qaddi-qomati xuddi sportchilarnikiga o‘xshaydi.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Hayot tarzi » Arslon (23 iyul – 23 avgust)