Mashhur insonlar hayotini o‘zgartirib yuborgan kitoblar

Ko‘plab insonlar o‘zi sevgan mashhurlarning fikri, ularning hayot tarzi va maslahatlariga amal qiladi, yoqtirgan aktyori tavsiyalaridan kelib chiqib, turli buyumlar sotib oladi, joylarga tashrif buyuradi. Bugungi maqolada biz taniqli insonlarning qanday turdagi adabiyotga qiziqishi haqida ma’lumot berishga qaror qildik. Quyida mashhur insonlarning hayotini o‘zgartirib yuborgan va ularning sevimli asariga aylangan beshta sevimli kitobini ko‘rib chiqamiz.

Keyt Moss — “Go‘zallar va halokatga mahkumlar”, Frensis Skott Fitsjerald

^{Foto: BBC}
Amerikalik yozuvchining yigirmanchi yillarga mansub “yo‘qotilgan avlodi” haqidagi asardir. Roman syujetiga ko‘ra, jazz davrida badavlat insonlar farzandlari gedonizm — huzur-halovatga, lazzatlanishga intilish insonning oliy maqsadi deb hisoblovchi axloqiy ta’limotga amal qiladi. Ular eng yaxshi restoranlarda ovqatlanadi, nufuzli uylarni ijaraga oladi va Nyu Yorkda eng yaxshi kunlarini o‘tkazadi. Biroq maqsadsiz hayot ularga baxt keltirmaydi.

Natali Portman — “Bulutli atlas”, Devid Mitchell

^{Foto: Variety}
19-asr o‘rtalariga mansub notarius, 20-asr boshidagi yosh yevropalik bastakor, 70 yillarda yashovchi Kaliforniyalik jurnalist, hozirgi zamondagi nashriyot ishchisi hamda kelajakdagi Koreyada yashayotgan masxaraboz-xizmatkorlarni nima birlashtiradi? Spoyler: ularni kometa shaklidagi tug‘ma dog‘ va hayotga bo‘lgan ishtiyoq birlashtiradi.

Zoi Saldana — “Alkimyogar”, Paulo Koelyo

^{Foto: Wikipedia}
Asar to‘qima obraz cho‘pon bola Santyago va uning sayohati haqida ketadi. Yozuvchi o‘z fikrlarini asar obrazlarining o‘zaro suhbatlari orqali tasvirlaydi. “Siz haqiqatan ham biror narsani xohlasangiz, butun olam sizning xohishingizni amalga oshirishga yordam beradi” deb yozadi muallif. Uning fikricha, kitob ramziy ma’nolarga boy, ammo hayotida mazmunini yo‘qotganlar uchun ideal asar hisoblanadi.

Riz Uizerspun — “Yovvoyi. Xavfli sayohat ѳ’zlikni anglashning bir yo‘li sifatida”, Sheril Strayed

^{Foto: The Hollywood Reporter}
Ruhiy og‘riq ba’zan jismoniy og‘riqdan ko‘ra kuchliroq zarba beradi. Bosh qahramon buni avvaldan biladi. Onasidan ayrilib, nikohidan ajrashib, zolim erdan ketgan qahramon 1770 kilometr yo‘lni piyoda bosib o‘tadi. Qo‘rquvini yenggan ayolning hikoyasi sizni hayotga boshqa ko‘zlar bilan boqishga ilhomlantiradi.

Anjelina Joli — “Drakula”, Brem Stoker

^{Foto: CNN}
Roman Drakula tomonidan asirga olingan londonlik advokatning kundaligidir. Bosh qahramon ko‘chmas mulkni sotish uchun Transilvaniyadagi graflik qasriga boradi, ammo voqealar rivoji kutilmaganda keskin o‘zgarib ketadi. “Zamin” yangiliklarini “Vkontakti”da kuzatib boring