Bamiya — qadim zamonlardan shifobaxsh xususiyatlari bilan ma’lum bo‘lgan sabzavot hisoblanadi. U tropik va subtropik hududlarda o‘sadi, ayniqsa Nil vodiysi va Hindistonda ilk bor yetishtirilgan. Uning uzun, yulduzsimon ko‘rinishi va o‘ziga xos ta’mi tufayli ko‘pchilik ratsionida alohida o‘rin egallaydi.
Bamiya suv va tolalarga boy bo‘lib, organizmni toksinlardan tozalaydi, hazm jarayonini yaxshilaydi. U immunitetni kuchaytiradi, ichak faoliyatini rag‘batlantiradi. Shuningdek, bamiya yurak-qon tomir tizimiga ijobiy ta’sir qiladi, xolesterinni tushiradi.
Qandli diabetda qondagi shakar miqdorini barqarorlashtirishda yordam beradi. Bundan tashqari, u ko‘z salomatligi, teri sog‘lomligi va tana og‘irligini nazorat qilishda ham foydali.
Homilador ayollar uchun foliy kislotasi manbai bo‘lib, bola rivoji uchun muhim hisoblanadi. Xalq tabobatida u ko‘p kasalliklarga qarshi o‘simlik dori sifatida ishlatiladi.
Bamiya — tabiiy shifo manbai. Undan foydalanish sog‘lom hayot sari muhim qadam hisoblanadi.
“Zamin”ni Telegramʻda oʻqing!
