Ota-onalarni eng ko‘p qiziqtiradigan masalalardan biri — farzandlarida tishlarning chiqishi. Kimdirniki bir yoshga yetmasdanoq barcha old tishlari chiqsa, ayrim bolalarda tishlar ikki yoshgacha ham chiqishi mumkin. Bu holat tabiiy va turli omillar bilan bog‘liq.
Genetika: Agar ota-onasida tishlar kech chiqqan bo‘lsa, bolada ham shu holat kuzatilish ehtimoli yuqori.
Oziqlanish: Kalsiy va D vitamini yetarli bo‘lmasa, tish chiqishi sekinlashishi mumkin. Emizikli onalarning to‘g‘ri ovqatlanishi ham bolaga ta’sir qiladi.
Sog‘liq holati: Chaqaloq uzoq vaqt kasal bo‘lib yursa yoki immuniteti past bo‘lsa, tish chiqishi kechikishi mumkin
Birinchi tishlar (odatda pastki oldingi ikki tish) taxminan 6 oylikdan boshlab chiqadi. Lekin ba’zi bolalarda 4 oydan boshlab ham belgilari ko‘rinadi, ba’zilarda esa birinchi tish 10–12 oyda chiqishi mumkin. Agar 18 oygacha birorta ham tish chiqmasa, shifokorga murojaat qilish maqsadga muvofiq.
Ilk belgilar: Tish chiqishidan oldin chaqaloq ko‘proq shilliq qiladi, og‘zini qo‘li yoki o‘yinchoq bilan qashishga urinadi, ba’zan esa bezovta bo‘lib qoladi. Birinchi tish chiqishigacha belgilar bir necha hafta, ba’zan hatto 2–3 oygacha davom etishi mumkin.
So‘lak oqishi tish chiqishi bilan asta-sekin kamayadi, ammo ba’zi bolalarda keyingi tishlar chiqish jarayonida yana ko‘payishi mumkin.
“Zamin”ni Telegramʻda oʻqing!
