Yog‘li oziq-ovqatlarni eb ozish mumkinmi?

«Yog‘larni eng va ozing» (Eat Fat, Get Thin) kitobining muallifi doktor Mark Xayman ozish uchun albatta yog‘li oziq-ovqat iste’mol qilish kerakligiga ishonchi komil. Uning fikricha, to‘g‘ri ovqatlanishning 5 ta asosiy qoidalari mavjud bo‘lib, ulardan ko‘pchiligi aynan tarkibida etarli miqdorda yog‘lar bo‘lgan ovqatlarni iste’mol qilishga asoslangan, deb yozadi Daryo nashri.

Sabzavotlar — ovqatning asosi

Xayman parhezida ovqatning 70—80 foizi sabzavotlar, donlar, dukkaklilar va mevalardan iborat bo‘lishi lozimligi ko‘zda tutilgan.

O‘zingiz bilan yong‘oq va pista olib yuring

Muallifning aytishicha, sayohatlar vaqtida boshqa zararli mahsulotlarni eb qo‘ymaslik uchun doimo o‘zi bilan paketchada yong‘oq olib yurar ekan. «Yog‘ va oqsil — mening tamaddim», — deydi u.

Saryog‘ va margarin o‘rniga — zaytun yog‘i

Zaytun yog‘i yurak-tomir kasalliklari xavfini kamaytiradi. Shuningdek, ba’zi tekshirishlar xolesterinning umumiy miqdorini ham kamaytirishi mumkinligini ko‘rsatdi. Zaytun yog‘i boshqa o‘simlik yog‘lari singari etarlicha kaloriyali bo‘lgani uchun uni bemalol saryog‘ va margarinning o‘rniga ishlatish mumkin.

Steyk o‘rnida — yog‘li baliqlar

Losos, makrel va forel kabi yog‘li baliqlar — Omega-3 yog‘ kislotasiga juda boy. Omega-3ni organizmning o‘zi ishlab chiqarmaydi va u iste’mol qilingan oziq-ovqatlardan olinadi. Inson organizmi uchun uning ahamiyati juda muhim bo‘lib, hatto yurak xastaligi va insultning oldini ham oladi.

Oq non va guruchni kamroq iste’mol qiling

Tozalangan uglevodlar yuqori bo‘lgan va butun donlar past bo‘lgan parhez sog‘liq bilan bog‘liq muammolarni keltirib chiqaradi. “Zamin” yangiliklarini “Youtube”da kuzatib boring