Sochlar oqarishi — qarish belgilaridan biri. Ba’zilar yoshligidan sochlari oqara boshlaydi, ko‘pincha esa 35-40 yoshdan boshlab sochlarga oq tusha boshlaydi. Bu muqarrar jarayon bo‘lsa-da, uni biroz sekinlatishga urinish va shu bilan birgalikda sog‘liqni ham mustahkamlash mumkin. Biz sizga buning oddiy xalqona usullari to‘g‘risida aytmoqchimiz.
Birinchidan, ovqatlanishga e’tibor bering. Dukkaklilar, avokado va yong‘oqlarni ko‘proq eng. Ikkinchidan, agar sizning zararli odatlaringiz bo‘lsa, ulardan qutulishga harakat qiling. Chekish va ichish muammoni chuqurlashtiradi. Uchinchidan esa, sochlaringizni parvarish qilishda asqotadigan va ularning oqarishini sekinlatishda yordam beradigan xalqona vositalardan foydalanish to‘g‘risidagi bir necha maslahatlarni yozib oling.
- Moychechak va zarchiva (kurkuma) damlamasi — och rangli sochlar uchun. Zarchiva sochlarga asal rangini berish uchun qo‘shiladi. 4 osh qoshiq moychechak va 2 osh qoshiq zarchivani 1 litr qaynoq suvga soling va damlab qo‘ying, sochlaringizni har yuvishdan so‘ng chayqash uchun ishlating.
- Mavrak (shalfey) va qora choy damlamasi — jigarrang sochlar uchun. Bu o‘tli vositani tayyorlash uchun bir nechta mavrak bargini qora choyga qo‘shib damlang va yarim litr qaynoq suv bilan aralashtiring.
- Rozmarin damlamasi — to‘q rangli sochlar uchun. 4 osh qoshiq rozmarinni yarim litr qaynoq suvda damlang. Bunday damlama bosh terisini yaxshilaydi, soch ildizlarini mustahkamlaydi va borgan sari ularning rangini qoraytiradi.
- Qoramtir sochlar uchun mavrak va rozmarin damlamasi. 3 osh qoshiq mavrak va 3 osh qoshiq rozmarinni 1 litr suvda damlang. Bu ajoyib chayqash vositasi yuvib tashlashni talab qilmaydi va sochlarni sog‘lomlashtiradi.
- Xina va limon sharbatidan sochlar uchun niqob. Sarg‘ish va asal rangni yoqtiradiganlarga xina yordam beradi. 3 osh qoshiq xina va 1 osh qoshiq limon sharbatini aralashtiring, aralashmani sochlaringizga suring va o‘rab qo‘ying. 3 soatdan keyin yuving.
Manba: «Daryo» “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ukraina Kursk oblastida egallab olgan hududlarining 40 foizdan ortig‘ini yo‘qotdi
BAAda isroillik ravvin o‘ldirib ketildi
Medvedev: Maxsus harbiy operatsiya uchun qurollarning aksariyati Rossiyada ishlab chiqariladi
Tadqiqot: qo‘rqinchli filmlar immunitetni mustahkamlashga yordam beradi
Yevroparlament rahbari Kiyevga TAURUS raketalarini yetkazib berishga chaqirdi
Harri Keyn Bundesligada rekord o‘rnatdi
Toshkentda 7,5 mlrd so‘mlik elektr energiyasini o‘g‘irlagan sex aniqlandi
Mongoliya poytaxtida o‘zbek kurashi bo‘yicha jahon chempionati o‘tkaziladi
