Foto: Globallookpress.com
Monakodagi turar-joy ko‘chmas mulki — jahondagi eng qimmati hisoblanadi. 2016 yilda knyazlikdagi ikkilamchi bozor turar-joylarining bir kvadrat metri narxi o‘rtacha 41,4 ming evroga baholangan. So‘nggi o‘n yilda mahalliy ko‘chmas mulk bozorida turar-joy bahosi 180 foizga o‘sgan. Savills kompaniyasining materiallarida aytilishicha, bunday sezilarli o‘sish — rivojlangan iqtisodiyotga ega hududlar uchun kam kuzatiladigan hodisa hisoblanadi deb yozadi Kun nashri.
Tahlilchilarning ma’lumotiga ko‘ra, Monakoda yangi qurilgan uylardagi turar joylarning o‘rtacha narxi 13,7 million evroga teng. Ikkilamchi bozorlardagi turar-joylar narxi esa taxminan uch barobar arzon.
2016 yilda knyazlikda 553ta ko‘chmas mulk ob’ektlari sotilgan, ularning faqat 33tasigina yangi qurilgan uylar hisoblanadi. Xaridorlar bir yil ichida jami bo‘lib 2,7 milliard evroga turar-joy sotib olishgan.
Savills talqiniga ko‘ra, ko‘chmas mulk narxi eng baland hududlarga yana Hongkong (o‘rtacha 1 kvadrat metriga 39,1 ming evro), Tokio (29,2 ming evro), London (17,7 ming evro), Nyu-York (16,7 ming evro) kiradi.
2016 yilning kuzida Monakoda knyazlikning eng baland binosi — “Odeon minorasi” (Odeon Tower) ning eng yuqorisida joylashgan penthauslardan biri savdoga qo‘yilgan. Osmono‘par binoning so‘nggi besh qavatini egallagan kvartira 335 million evroga baholangan — bu jahon ko‘chmas mulk bozorida qayd etilgan rekord natija hisoblanadi. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Zoir Mirzayev “Telefonsiz maktab”ga 300 mln so‘m mukofot berdi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Xitoy AQSHni «qizil chiziqlar»ni kesib o‘tishdan ogohlantirdi va «dushman emas, hamkor» bo‘lishga chaqirdi
Ortiqcha vaznli insonlar uchun sog‘lom ovqatlanishning beshta muhim qoidasi
Ruslar Abrams tanklarining zaif tomonini topishdi
Germaniyada ishlash istagida bo‘lgan o‘zbekistonlik mutaxassislar uchun nemis tili o‘rgatiladi
AQSHning G‘azodagi siyosatidan norozi Davlat departamenti rasmiysi iste’foga chiqdi
Lukashenko G‘arbga tahdid bilan chiqdi