Yangi lavozimda ishlashning birinchi kunlarida qanday qilib o‘zini ijobiy tomondan ko‘rsatish haqida ba’zi foydali maslahatlar bilan tanishtirmoqchimiz.
O‘rganing
Hatto katta tajribaga ega bo‘lsa ham yangi kelgan odamning katta xatosi — qandaydir muhim masalada haddan tashqari tez qaror qabul qilish. Boshida sizga kelayotgan hamma ma’lumotlarni o‘zlashtirishingiz va barcha tafsilotlariga diqqat bilan munosabatda bo‘lishingiz kerak.
O‘z rahbaringiz bilan gaplashing. Xodimlar uchun yozilgan qo‘llanmada bo‘lmaydigan ba’zi masalalarni muhokama qiling. Masalan, quyidagilar:
- Birinchi kunlarda siz mendan nimalarni kutyapsiz?
- Birinchi oyda siz mendan qanday natijalar kutyapsiz?
- Ishim yanada samaraliroq bo‘lishi uchun men oldindan nimalarni hisobga olishim kerak?
Yangi hamkasblaringizdan kompaniyada ishlashning o‘ziga xos xususiyatlari to‘g‘risida surishtiring:
- Xodimlar bilan muloqot qilishning qaysi biri ma’qulroq: jonli suhbatmi yoki ijtimoiy tarmoqlarmi?
- Munozara uchun qandaydir taqiqlangan mavzular bormi?
Kuzating
Hamkasblaringiz xatti-harakatlarini kuzatib boring. Ular ishdan chalg‘ituvchi mavzularda gaplashishadimi? Tushlikni tashqarida qilishadimi yoki umumiy oshxonada ovqatlanishadimi? Ularning o‘zaro munosabatlari qanday? Shunda siz yangi doiradagi tanishlaringizga tezroq moslashasiz.
Ishni o‘zingizga moslashtirib oling
Aytaylik, ishning birinchi kunlari siz qaysidir vazifalarni bajara olmasligingizni birdan tushunib yetdingiz. U holda rahbaringiz bilan gaplashishga harakat qilib ko‘ring. Unga o‘zaro kelishuv taklif qiling: o‘sha vazifalar o‘rniga o‘zingiz juda yaxshi biladigan masalalarni bajarish. Ba’zan rahbariyatning ruxsati bilan hamkasblar bilan vazifalarni almashtirish mumkin.
Maqtanmang
Agar sizning ishga doir qandaydir zo‘r g‘oyangiz bo‘lsa uni darrov hayotga tatbiq qilish shart emas. Avval rahbaringiz bilan maslahatlashing va uning fikrini e’tiborga oling.
Ishni endi boshlashingiz bilan yulduzlardan ham balandroqni ko‘zlamang. O‘zlashtirib olganingizdan keyin esa katta maqsadlar tomon intilsangiz bo‘ladi. Yangi g‘oyalarni yaxshisi rahbaringizga, sizni bironta sabab bilan maqtagandan so‘ng taklif qilganingiz ma’qul.
Manba: «Daryo.uz» “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Mariya Zaxarova ukrainaliklarni Amerika hindulariga o‘xshatdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Zoir Mirzayev “Telefonsiz maktab”ga 300 mln so‘m mukofot berdi
Amerikalik olimlar barcha uchun birdek foydali jismoniy faollik turini aniqladi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi