Suhbatdoshingizning yolg‘on yoki rost so‘zlayotganini bilishni istaysizmi?

Suhbatdoshingiz yolg‘on so‘zlayotganini bilishning psixologik usullaridan ichki ishlar va militsiya xodimlari unumli foydalanadilar. Ulardan eng asosiylarini quyida keltiramiz.

Suhbat chog‘ida qo‘l harakatlari nomutanosib qimirlaydi. Aldayotgan kishi qo‘li bilan ko‘proq yuz qismiga teginadi: burnini yoki qulog‘ini ushlab qo‘yishi mumkin.

Yolg‘onchi suhbatdoshining ko‘zlariga qaramaslikka urinadi. Aldayotgan kishi qo‘llarini qorni yoki yurak sohasiga yaqinlashtirmaydi.



Emotsional so‘zlar kutilmaganda boshlanib, birdaniga tugatiladi. Savolingizga uzoq to‘xtalib, keyin javob beradi.

So‘zlari va yuz ifodasi bir-biriga to‘g‘ri kelmaydi. Yolg‘onchi sovg‘ani olib, avval «menga yoqdi» deydi, keyin jilmayadi, tabiiy holatda bular ayni bir vaqtda bo‘lishi kerak.

«Seni sevaman» deganda qoshlar chimirilmasligi kerak.

Agar inson chin dildan kulsa ko‘zlari ham kuladi, yolg‘on jilmayishda esa faqat lablar ishtirok etib, boshqa a’zolar harakatsiz qoladi.

Yolg‘onchi suhbatdoshiga qaraganda o‘zini noqulay his qiladi va orqasini o‘girib so‘zlashni ma’qul ko‘radi.

Turli buyumlar (kitob yoki finjon) ni siz va o‘zi o‘rtasiga qo‘yadi, go‘yoki ong ostida yolg‘onini yashirishga uringandek.

Yolg‘onchi bir ma’romda, tinch so‘zlaydi, suhbatdagi to‘xtalishlarda o‘zini juda noqulay sezadi.

Aybdor noo‘rin hazillar bilan yolg‘onini sezdirmaslikka urinadi. Agar suhbatdoshingiz aldayotganini sezsangiz, suhbat mavzusini tezda o‘zgartiring, u bundan quvonib sizga ergashadi. Rost so‘zlayotgan kishi esa hayron bo‘lib, avvalgi mavzuni davom ettirishga urinadi.

Suhbatdoshingizda yuqoridagi belgilardan birontasini sezsangiz, u yolg‘onchi degani emas, albatta. Yuqorida sanab o‘tilgan belgilarni do‘stingizning doimiy hulq-atvori bilan solishtirgan holda xulosa chiqargan ma’qul.

Manba: hordiq.uz “Zamin” yangiliklarini “Vkontakti”da kuzatib boring