Siz hech ortiqcha vaznli yapon ayolini ko‘rganmisiz? Agar ko‘rgan bo‘lsangiz, tabriklaymiz, tasavvur olamingiz juda yaxshi ishlar ekan. Aslini olganda, dunyoda semizlar miqdori eng kam mamlakat, bu Yaponiyadir. Yaponiya aholising bor-yo‘g‘i 3,5 foizigina ortiqcha vazndan aziyat chekadi. Buning siri nimada ekan-a?
1. Guruch. Bilsangiz kerak, guruch Osiyo va ayniqsa, yapon oshxonasining eng asosiy taomidir. Ularda guruch nafaqat garnir, balki non ham. Uglevodga boy ushbu mahsulot esa yaponcha parhezning asosidir. Ular guruchga hech qanday yog‘ va tuz solmaydilar. Ivitib qo‘yilgan guruchni pishirib olib, yeyaverishadi.
2. Baliq. Yaponlar deyarli yog‘li mol va qo‘y go‘shti iste’mol qilishmaydi. Bularning o‘rniga baliq va dengiz mahsulotlaridan tanovul qilishni xush ko‘radilar. Ko‘p baliq yeb semirib ketmasligingiz aniq, kamiga butun organizmni baliq tarkibidagi foydali moddalar bilan boyitasiz.
3. Kam ovqat. Xattoki, eng qimmat restoranlarda ham biz yeyishga odatlarangan ovqat miqdorining yarmini stolga tortishadi. Bu restoran oshxonasi qizg‘anchiqlik qildi degani emas, yaponlarning ovqatga bo‘lgan xaqiqiy munosabati shunaqa. Ushbu millat vakillari yoshligidanoq kam-kam va tez-tez ovqatlanishga odatlanganlar.
4. Taom tayyorlash jarayoni. Qovurilgan taom yapon oshxonasiga aslo xos emas. Yaponlar qovurilgan taomlarni umuman yeya olmaydilar. Kundalikda ular bug‘da dimlab pishirilgan yoki qaynatilgan taomlarni iste’mol qiladilar. Bunday tayyorlangan taomlarning foydaliligi va tez hazm bo‘lishini esa juda yaxshi bilamiz, ammo negadir amal qilmaymiz.
5. Ko‘k choy. Ko‘k choy ichish nafaqat qarishning oldini oluvchi antioksidant, balki ozish uchun eng samarali vositadir. Uning siydik xaydovchi xususiyati organizmdagi ortiqcha suyuqliklardan sizni xalos etadi.
6. Sabzavotlar. Ularsiz ovqat yaponlar uchun ovqat emas. Asosan daykon, porey piyozi, karam va boshqa sabzavotlardan ovqat tayyorlaydilar. Eng asosiysi, hech qanday mayonezlarsiz, yangi sabzavotlardan yengil salatlarni iste’mol qilishadi.
7. Shirinlik. Yaponlar ham xuddi bizdek odam, o‘zga sayyoraliklar emas, shirinliklarni xush ko‘rishadi. Ammo shirinliklarni biznikidan tubdan farq qiladi. Ularda hech qanday biskvit, yog‘li krem, qaymoqli krem va shokoladli tortlar yo‘q. Hattoki muzqaymoqni ham guruchdan tayyorlash yo‘llarini o‘ylab topganlar. Yapon shirinliklari juda past kaloriyali, shirini kam, ortiqcha yog‘lari ham yo‘q!
Manba: darakchi.uz “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
NATO bosh kotibi Ukrainaning frontdagi ahvoli yomonlashganini tan oldi
Har qanday katta yoshdagi kishi yetuk emas
Erdo‘g‘on Turkiya Isroil bilan aloqalarini uzganini ma’lum qildi
Borrel YEIning Isroil bilan muloqotini to‘xtatishni taklif qildi
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
Blinken Isroildan uchta muammoni hal etishni talab qildi
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
Srechko Katanes: "Qanday qilib so‘nggi daqiqada oddiy gol o‘tkazdik, buni bilmayman"
