Taqdirdan noligan emasman...

Taqdirdan noligan emasman,
Taqdirning hukmida yashadim.
Men aniq bilaman. Men sevdim.
Men aniq bilaman. Yashnadim.

O‘ziga qul qilmadi hayot,
Menga uchqur qanot berdi u.
Ko‘nglim mening erkin va ozod,
Qanotlarim qudrati orzu.

Xotiralar qiynamas meni,
Baxtli onlarimdan darakdir.
Neki bo‘lsa, bari meniki,
Hayot ishonch to‘la yurakdir.

Manba: mulohaza.uz “Zamin”ni Telegramʻda oʻqing!