Ayol taksiga o‘tirdi va haydovchiga aeroportga bormoqchiligini aytdi. Mashina o‘ng chiziq bo‘ylab yo‘l oldi. To‘satdan qora rangli yuk mashina qarshisidan chiqdi. Haydovchi to‘qnashib ketmaslik uchun zudlik bilan tormoz berdi. Taksi to‘xtashga ulgurdi, ammo orqadan kelayotgan mashina bilan to‘qnashib ketishiga bir bahya qoldi. Yuk mashina haydovchisi oynadan boshini chiqarib haqorat qilgancha baqira ketdi. Taksi haydovchisi esa xotirjam tabassum bilan samimiy qo‘l silkib qo‘ydi.
Bir zumda ro‘y bergan bu voqeadan dahshatga tushgan ayol, taksi haydovchisining bu ishidan ajablandi. “Nega bunday qildingiz? – deya so‘radi ayol. U sal bo‘lsa mashinangizga ziyon yetkazib, ikkimizni ham o‘sal qilardi”.
Taksi haydovchisi kulimsirab:
– Axlat qutisi qoidasi, – dedi.
– U nima degani? – dedi ayol hech narsani anglamay.
– Ayrim odamlar axlat qutisi kabi, – deya izohladi haydovchi. – Yuragida axlat ko‘tarib yuradi, jahl-g‘azab va tushkunlik tashiydi. Qalbi axlat bilan to‘lib-toshib ketsa, qayergadir to‘kishga ehtiyoj sezadilar. Ularning ruhiy axlatiga men yoki siz nishon bo‘lamiz. Shunday paytlarda hech o‘zingizga olmang, xafa bo‘lmang. Ularga yaxshilik tilang va yo‘lingizda davom eting. Undaylarning axlatini ishxonangiz yoki uyingizga ko‘tarib bormang. Ko‘chadagi boshqa odamlarga ham sochib yurmang. Omadli va baxtiyor insonlar axlat qutilariga kunlarini mahv etish, ruhiyatlariga ta’sir ko‘rsatishlariga yo‘l qo‘ymaydilar. Hayot tongda pushaymonlik bilan uyg‘onish uchun juda qisqa. Shuning uchun sizga go‘zal muomalada bo‘lgan insonlarni seving va yaxshi munosabatda bo‘lmaganlarga yaxshiliklar sog‘ining. Hayot – o‘n foiz qanday ishlarni bajarganingiz va 90 foiz uni qanday qarshilaganingizga bog‘liq.
Umida ADIZOVA tayyorladi
Manba: Azon.uz “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Samarqandda haydovchidan pora so‘ragan YPX xodimlari ishdan bo‘shatildi
Joze Mourino Yevro—2024 favoritlarini sanab o‘tdi
Hokimlik xodimi firibgarlik ortidan qo‘lga tushdi
5 may kuni respublika hududida kuzatiladigan ob-havo ma’lumotlari
Yashirin iqtisodiyot bo‘yicha qaror loyihasi Tadbirkorlik kengashi takliflari asosida qayta ko‘rib chiqiladi
Germaniyada Rheinmetall qurol kompaniyasi rahbarining dachasi yoqib yuborildi
Daniyada endi ayollar ham majburiy harbiy xizmatni o‘taydi
Pentagon Ukraina yuzasidan kutilmagan muammoga duch keldi