Miya faoliyati uchun eng muhim modda nomi ma’lum qilindi

Rossiya diyetologlari milliy jamiyati a’zosi Lyudmila Denisenko miya faoliyati uchun eng kerakli narsa nimaligini aytdi. Bu haqda “Izvestiya” nashriga tayanib Sof.uz xabar berdi.

Uning so‘zlariga ko‘ra bu suv bo‘lib, inson organizmining 60-85%i, miyaning esa 90%dan ko‘prog‘i ayni moddadan iborat.
Shuning uchun ham suyuqlik yetishmasligi miya faolligiga ta’sir qilib, uni susaytiradi.

Bundan tashqari, miya yaxshi ishlashi uchun qon bilan o‘z me’yorida ta’minlanishi kerak. Bu esa o‘z navbatida qon tomirlariga bog‘liq. Omega-3 yog‘li kislotasi qon tomirlarining yaxshi holatda ishlashiga sabab bo‘ladi. Bu kislotaning o‘zi o‘simlik yog‘i, yong‘oq va yog‘li baliqlarda ko‘p uchraydi.

Shuningdek, miyadagi qonning me’yorida aylanishi uchun sabzavot va mevalarda uchraydigan S vitamini va boshqa bir qator mineral moddalar ham talab etiladi. “Zamin”ni Telegramʻda oʻqing!